أردۇغان: قطره قۇیولان قاباو و چأکلندیرمه‌لری پوجا چیقارماق اۆچین اولی تاغاللا اتدیک

تۆرکیأنینگ جمهورباشلیغی رجب طیب أردۇغان تۆرکیه بیلن قطرینگ قارا و قین گۆنلرده بیری بیری نینگ دۇستی بۇلاندیغینی نأچه گِزه‌ک گؤرکِزِندیگینی آیتدی.

تۆرکیه- قطر یۇقاری درجه لی استراتژیک کمیته سی نینگ ۴-نجی ماصلاحاتی گچیریلدی.

ماصلاحاتا تۆرکیأنینگ جمهورباشلیغی رجب طیب أردۇغان بیلن قطرینگ امیری شیخ تمیم بن حمد آل ثانی قاتناشدی.

ماصلاحاتدا چیقیش ادن رجب طیب أردۇغان،

"قطرلی دۇغانلاریم ایلکی بیلن ایکینجی اؤیۆنگیزه حۇش گلدینگیز آیدیارین. دیپلماتیک قاتناشیقلاریمیزینگ ۴۵-نجی ییلیندا شیله بیر آراقاتناشیق منی بویساندریار" دیدی.

أردۇغان شیله دۇوام اتدی:

"تۆرک میللتی، قطرلری دۇغانلارینا قارشی ادیلن قاباو و چأکلندیرمه لرینگ پوجا چیقماغی اۆچین اولی تاغاللا ادندیر. قطر ده ۱۵-نجی ایول داقی حیاناتچیلیقلی آغدارلیشیغا سینانشیقدان سۇنگرا حالقارا میدانلاردا یوردومیزا اینگ گۆیچلی قۇلداوی برن یورتلارینگ آراسیندا یر آلدی. سۇنگقی آیلاردا ایقدیصادیه تیمیزی نیشانا آلان ایشلردن سۇنگرا ینه قطر بیزینگ بیلن بیله لیکده دوردی. پورصاتدان پیدالانیپ وپالی دۇغانلیق یورت قطره برن گۆیچلی قۇلداوی سبأپلی اؤزۆم و مالقیم تاراپیندان مینتدارلیق بیلدیریأرین".

قطرینگ امیری شیخ تمیم بن حمد آل ثانی بیلن دوشوشیغینا اۆنس چکن أردۇغان اؤزآرا قاتناشیقلارداقی یۇقاری درجأ حۇشاللیق بیلدیردی و حیذماتداشلیغینگ بۆتین پوداقلاردا اؤسدۆریلمه گینی آرزوو اتدی.

ماصلاحاتدان سۇنگرا ایکی یورت آراسیندا قاتناو، مدنیت، سؤودا و ایقدیصادیه ت یالی کؤپ اوغوردا استراتژیک حیذماتداشلیق پروتکلینا قۇل چکیشیلدی.