أردۇغان روسیا گیدیأر

تۆرکیأنینگ جمهورباشلیغی رجب طیب أردۇغان سوچی دا روسیانینگ دؤولت یۇلباشچیسی ولادیمیر پوتین بیلن دوشوشار.

ایکی یۇلباشچی سوریأنینگ ادلب شأهِری نینگ یاغدایی بارادا ماصلاحات گچیرر.

أردۇغان ینگ پوتین بیلن دوشوشیغیندا ادلب شأهِرینه بۇلوپ بیلجک بیر هۆجۆمدن سۇنگرا گؤچ ادیلشیک تۇلقونی، بؤلگه دأکی تۆرک عسگرلری نینگ حۇوپسوزلیغی و سیاسی چؤزگۆت اتابی یالی مسئله لرینگ گۆن ترتیبینه گلمه‌گینه قاراشیلیار.

دوشوشیقدا بؤلگأنینگ سۇنگقی یاغدایی بیلن بیله لیکده ایقدیصادیه‌ت و انرژی یالی مسئله لر حاقیندا دا پیکیر آلیشیار.

بو دوشوشیغینگ، ۲۶-نجی سنتیابردا بیرلشن میللتلر قوراماسی نینگ عمومی ماصلاحاتیندا گچیریلجک سوریه باراداقی دوشوشیغیندان اۇزال گچیریلمه‌گی اؤرأن اولی أهمیته ایه.

رجب طیب اردوغان سۇنگقی گِزِک پوتین بیلن ۷-نجی سنتیابردا اۆچ تاراپلی دوشوشیقدان اۇزال ایران ینگ پایتاغتی تهران دا دوشوشیپدی.