أردۇغان: انرژی أتیاجیمیزی اتم انرژیسی بیلن اۆپجۆن ادریس

تۆرکیأنینگ جمهورباشلیغی رجب طیب أردۇغان، تۆرکیأنینگ چالت یاغدایدا اتمی انرژی پوداغینا باشلاجاقدیغینی بیلدیردی.

أردۇغان سوسیال مدیادان برن بیاناتیندا "یاشلار و تکنولوژی دوشوشیغی" بارادا سۇراغلارا جۇغاپ بردی.

مرسین دأکی آق قویی دا اتمی انرژی دسگاسی نینگ قورلوشیغینا دۇوام ادیلیأندیگینه اۆنس چکن أردۇغان، ایکینجی دسگانینگ سینوپ دا قورالجاقدیغینی بیلدیردی.

أردۇغان اۆچۆنجی اتمی مرکز باراسیندا دا دوشوشیقلارینگ دۇوام ادیأندیگینی بیلدیردی.

تۆرکیأنینگ اتمی مرکزلر بیلن باغلانشیقلی ژاپن و فرانسیا بیلن ده ایشله‌شیأندیگینی آیدان أردۇغان،

"ایش قوتاران ماحالی اۇنچا یاشیمیزی اۇقووچیمیزی شۇل مرکزلره ایبرریس. اۆچۆنجی مرکزی اولی أحتیمال حیتای بیلن بیله لیکده قوراریس. ایلالاشساق شۇل یرلره ده طالیپ قۇیبرریس. اولارینگ یانیندا ساپاق آلارلار. شیله لیک بیلن تۆرکیه انرژی أحتیاجی نینگ اولی بؤله‌گینی اتمی انرژی بیلن اۆپجۆن ادر" دیدی.

أردۇغان اتم انرژیسی باراسیندا بۇش گِپله‌لره قولاق آسماق ایسله‌مه‌یأندیکلرینی بیلدیردی و بیرنأچه‌لرینگ آیدان "اتمی انرژی داشقی قورشاوی کئرله‌دیأر" دیه‌ن سؤزلری باراسیندا،

"دۆنیأده اتمی انرژی اولانان یورتلار هایسی یورتلار دییپ قارامیزدا کؤپۆسینده کؤپ سانلی اتمی انرژی دسگاسی بار و شولار اتمی انرژی مرکزی نینگ قورالماغینا قارشی دییپ آیدیارلار. بیز بولارا قولاق آسماریس" دیدی.