أردۇغانا بوسنیادا حۇرماتلی دکترلیق بریلدی

رسمی ساپار بیلن بوسنیا هرزگوینا گیدن تۆرکیأنینگ جمهورباشلیغی رجب طیب أردۇغان حالقارا سارایوو بیلیم یوردی تاراپیندان اؤزۆنه بریلن حۇرماتلی دکتری دییلن یۇقاری درجه لی عیلمی آدینگ بریلمه گی بیلن باغلی گچیریلن دابارا قاتناشدی.

أردۇغان ۳ ییللیق حاسراتدان سۇنگ سارایوو گلمه کدن حۇشالدیغینی بِللأپ، سارایوو بیلیم یوردی تاراپیندان اؤزۆنه بریلن حۇرماتلی دکتری دییلن یۇقاری درجه لی عیلمی آدینگ بریلمه گینه مینتدارلیق بیلدیردی.

بۇسنیا هرزگوینانینگ جمهورباشلیق گنگه شی نینگ باشلیغی بکر عزت بگوویچ بیلن ایکی چأک و تۇپارآرا گپله شیکلر گچیرندیکلرینی آیدان أردۇغان بۇسنیا نینگ وزیرلر گنگه شینینگ باشلیغی دنیس زویزدیچ و وزیرلر گنگه شی نینگ بیله کی آغضالاری بیلن ایکی یوردونگ آراسینداقی حیذماتداشلیق تاسلامالارینی اله آلاندیقلارینی حابار بردی. مونونگ حیذماتداشلیغی حاص هم اؤزگرتجکدیکلرینی بیان اتدی.

أردۇغان تۆرکیه ده بوسنیادان حاص کؤپ بوسنیالی آلبانیادان حاص کؤپ آلبانینگ یاشایاندیغینی مألیم اتدی.

"تۆرکیأنینگ أهلی شأهِرلرینده بالکان یورتلاریندا، قفقازدا، تۆرکیستان جغرافیاسیندا دۇغانلاریمیز یاشایار" دیه ن أردۇغان، "بالکان  یورتلارینا آراچأگی بۇلمایان یورتلار تۆرکیأنی بالکان یورتلاردا دوشمان بیر گۆیچ یالی گؤرکِزمأگه سینانشیار" دیدی.

بوسنیالیلار بیلن بیله لیکده صرپلاری، آلبانلاری و مقدونیه لیلری قوجاقلاماغا دۇوام اتجکدیکلرینی آیدان أردۇغان سۇنگقی واغتلاردا بو اوغوردا مؤهۆم أدیملری أدِندیکلرینی بیلدیردی.