رجب طیب اردوغان: فرانسیا ترورچیلیغا قۇلداو بریأر

تۆرکیأنینگ جمهورباشلیغی و عادالات و اؤسۆش پارتیاسی نینگ باشلیغی رجب طیب أردۇغان پارتیاسی نینگ مرکزینده ولایات باشلیقلارینی گینگه‌لدیلن ماصلاحتیندا چیقیش اتدی.

أردۇغان فرانسیانینگ جمهورباشلیغی امانوئل مکرون ینگ اساسی بؤله‌گی آشاچی ترور قوراماسی پ. ک. ک دان عیبارات بۇلان سوریه دموکراتیک گۆیچلرینه وکیلچیلیک ادیأن تۇپار بیلن دوشوشماغی بیلن باغلانشیقلی،

"اۇزالدان بأری یورتلاریندا ارکین یاغدایدا ایش آلیپ باریان ترور قوراماسینا آغضا ترورچیلاری دۆین ینه ده بیر گِزِک یۇقاری درجه ده میهمان قابول ادنلر، اۇنونگ تۆرکیأ قارشی دوشمانچیلیقدان باشغا بیر دۆشۆندریریلیشی نینگ یۇقدیغینی بیلمه لیدیرلر. فرانسیانینگ بو توتومینی یازغاریاریس. تۆرکیه بیلن سوریأنینگ دموکراتیک گۆیچلری نینگ آراسیندا آراچی بۇلوپ بیلریس سؤزی دۇغری بۇلسا اۇنی آیدیان آدامینگ حدّی و وظیپه سینی آشان بیر بیاندیر. تۆرکیأنینگ هاچاندان بأری ترور قورامالاری بیلن بیر یرده اۇتورماق یالی مسئله سی بار. نیره دن تاپدینگیز مونی؟ سیز ترور قورامالاری بیلن بیر یرده اۇتوریپ بیلرسینگیز، اِمما تۆرکیه ترورا قارشی گؤره‌شینی عفرین ده ادیشی یالی ادر. اۇلارینگ دۇستلاری نینگ ی. پ. گ لیلر، یاغنی بؤلگأمیزدأکی اینگ الی قانلی، اینگ آحلاقسیز، اینگ مرتبه سیز، آدامزادا قارشی اینگ غنیم دوشمان بۇلان ترورچیلار بۇلاندیغینی گؤردۆک. بو حرکتیندن سۇنگ فرانسیانینگ هیچ بیر ترور قوراماسیندان، هیچ بیر ترورچیدان، هیچ بیر ترورچیلیق حرکتیندن شکایت اتمأگه حاقی یۇق. ترورچیلار بیلن یاتیپ توریان، حتی اۇلاری کؤشکلرینه میهمان آلیانلار ادن ادن یالنگیشلارینا اؤنگی سۇنگی دۆشۆنرلر. بیر ترور قوراماسی بیلن تۆرکیأنینگ آراسیندا آرچیلیق ادیپ بیلجکدیگینی آیدیپ سیز گیک بۇلیارسینگیز؟" دیدی.

پرزیدنت أردۇغان عیراق دا آشاچی ترور قوراماسی نینگ حرکتلری نینگ دۇلی یاغدایدا یۇق ادیلمه لیدیگینی بیلدیردی.

أردۇغان،

"سانجار بیلن باغلانشیقلی تاپاووتلی بیانات بریلیأر. نأمه اۆچین گۆن ترتیبه گلدی؟ سانجار قندیل ینگ آلرناتیویدیر. واغت بریپ بو ایشلر اۇنگات بۇلماز. عیراغینگ حؤکۆمتینه بو ایشی اتجک بۇلسانگیز ادینگ دییپ آیدیاریس. عیراق بیلن بو باباتدا بیله لیکده حرکت اتمأگه طایاردیرس. پ. ک. ک بیلن پ. ی. د نی بیر گؤمه یأن، داعشه قارشی گؤره شی ی. پ. گ قارشی گؤره ش بیلن دنگ توتمایان توتوملارا قاپیمیز یاپیقدیر. بیز ترورچیلارا آد برمه بیلن دأل، اۇلاری اۇرتادان آییرماق بیلن مشغولدیرس" دیدی.

پرزیدنت أردۇغان تۆرکیأنینگ یاراغلی گۆیچلری تاراپیندان سوریأنینگ عفرین بؤلگه سینده زیتین شاحاسی حرکتی نینگ اۆستۆنلیکلی دۇوام ادیأندیگینی نیغتاپ تأثیرسیز یاغدایا گتیریلن ترورچیلارینگ سانی نینگ ۳۸۰۰ ترورچا یتندیگینی حابار بردی.

تۆرکیأنینگ جمهورباشلیغی سوریه باراسیندا بۇلسا،

"عفرین ینگ مرکزی نینگ اله گچیریلمه گی بیلن حرکت ماقصادینا عمومان یتدی. ایندی تل رفعه باشدا بۇلماق بیلن تؤه‌رِگینگ گؤزه‌گچیلیگینی اۆپجۆن اتمه ک ماقصادی بیلن حرکت دۇوام ادیأر" دیدی.