احمد دمیر: آلمانیانینگ یۆره‌کلی تۆرک-ی

آلمانیادا دؤنر ناهارینی ساتیان تۆرک آصیللی بیر آدام، شأهِر حأکیمینی اؤلمه‌کدن حالاص اتدی و آلمانیانینگ قاهریمانی ایغلان ادیلدی.

دمیرقزیق رن وستفالیا ایالتیندأکی آلتنا شأهِری نینگ حأکیمی آندریاس هولشتاین -آ بیر دؤنر رستورانیندا پیچاق بیلن هۆجۆم ادیلدی.

بۇینوندان یارالانان هولشتاین کسلحانا ایبریلدی و یاغدایی نینگ قۇوی بۇلاندیغی بیلدیریلدی.

دأده سی (عبدالله دمیر) بیلن، هۆجۆمچینی توتان و شأهِر حأکیمینی حالاص ادن احمد دمیر رستوراندا ایشلأن واغتی شأهِر حأکیمی نینگ رستورانا گلندیگینی و اؤیده ایمه‌ک اۆچین ناهار تاپشیراندیغینی آیتدی.

هولشتاین بیلن گپله شیأن ماحالی رستورانا گلن بیری نینگ شأهِر حأکیمی نینگ بۇقورداغینا پیچاق چکندیگینی نیغتادی.

اؤزی و دأده سی نینگ هۆجۆمچأ هۆجۆم ادیپ الیندن پیچاغی آلاندیقلارینی آیدان احمد دمیر، شۇل بیر واغتدا دا انه سی نینگ پلیسا حابار برندیگینی بیلدیردی.

دأده سی نینگ پیچاغی آلجاق بۇلان ماحالیندا یارالاناندیغینی آیدان احمد دمیر "هر کیم بۇلسا دا بیزینگ ادن ایشیمیزی ادردی" دیدی.

واقادان سۇنگرا کؤپ سانلی آلمان، تۆرک رستورانینا باریپ دمیر ماشغالاسینا مینتدارلیق بیلدیردی.