حمیدیه متجیدی آچیلدی
آچیلیش داباراسینا تۆرکیأنینگ جمهورباشلیغی دا قاتناشدی
تۆرکیأنینگ جمهورباشلیغی رجب طیب أردوُغان دینینی و مدنیتینی بیلن نسیللرینگ یتیشدیریلمه گینده توتان یرلی بوُلاندیقلارینی آیتدی.
ایستامبول داقی ییلدیز حمیدیه متجیدی نینگ آچیلیش داباراسیندا چیقیش ادن رجب طیب أردوُغان،
"دینیمیزینگ عالاماتی بوُلان متجیت و نامازحانالاریمیزی تأزه دن دیکه دیأریس. بیزینگ میللتیمیزینگ مایاسی گۆیچیلیدیر، روحی بلنتدیر" دیدی.
أردوُغان متجیدینگ نامازا آچیلماغیندان سوُنگ ادن چیقیشیندا،
"آتالاریمیز، صلیبی ساواشلاردان بأری دوُوام ادن ساواشلارینگ قاهرامان أگیرت آداملاری بوُلماق شرِپینه یتدیلر. شو گۆن ده یوردومیزا و میللتیمیزه هۆجۆم ادنلر، بیزینگ عیبادات یرلریمیزی هدِپ آلیار. یادینگیزا دۆشیأن بوُلسا 15-نجی ایول دا آنکارادا گؤل باشینداقی یؤریته حرکت مرکزیندأکی کیچی متجیدیمیز و بأش دپه دأکی جمهورباشلیق مرکزیندأکی میللت متجیدیمیزه ساواش اوچارلاری بیلن بمبا زینگدیلار. ایستامبول دا صلا اوُقالان کؤپ سانلی متجیده آغدارلیشیقچیلار تاراپیندان اُود آچیلدی. ایزمیرده ینه صلا اوُقالیان متجیده و شول یردأکی ایشگأریمیزه عارسیز بیر هوجوم ادیلدی. بولار اؤز باشینا بوُلان زاتلار دأل. بیلینیپ ادیلیأر. آذانلارینگ سسینی دیمدیرمان، بایداقلاری آشاق چکمأن یوردومیزی باسیپ آلیپ بیلمه‌جِکدیگینی بیلیأن آداملار، ایلایتا دا بو یرلره هۆجۆم ادیأر" دیدی.
