بین‌گؤل ده ۱۱ ترورچی اؤلدۆریلدی

حیاناتچیلیقلی ترور قوراماسی پ. ک. ک ییتگی چِکمأگه دۇوام ادیأر

تۆرکیأنینگ بین‌گؤل ولایاتی نینگ گنچ اترابینداقی قاپیلی دییلن یرینده آیرالیقچی ترور قوراماسی پ. ک. ک قارشی دۇوام ادیأن عسگری حرکتده ۱۱ ترورچی اؤلدۆریلدی.

ولایات حأکیملیگیندن بریلن ماغلوماتا گؤرأ بو اۇپراسیادا ترورچیلاردان ۸ کلاشنیکف، ۱ بیکسی اتوماتیک تۆفنک، ۱ قناسه اسنایپر تۆفنگی و ۱ تاپانجا ضبط ادیلدی.

اۇپراسیادا آیرالیقچی ترور قوراماسی نینگ تۇسلاما آق‌داغ تۇپاری دۇلولیغینا یۇق ادیلدی.

ترورچیلیق بیلن گؤره‌ش ایزی گیدرلی یاغدایدا دۇوام ادیأر.

تۆرکیه بیلن عیراغینگ سرحدینده شو گۆن پ. ک. ک قارشی قورالان هۇوا هۆجۆمینده ده ۷ ترورچی اؤلدۆریلیپدی.

تۆرکیه- عیراق سرحدینده حۇوپسوزلیق گۆیچلری نینگ آیرالیقچی ترور قوراماسی پ. ک. ک قارشی قوران هۇوا حرکتینده ۷ ترورچی اؤلدۆریلدی.

اوچارمانسیز اوچارلار حکاری نینگ یۆکسک اۇوا اترابینداقی پیرینچ اِکِن دییلن یرینده عیراغینگ سرحدینده بیر قۇواغینگ اؤنگۆنده ترورچیلارینگ باردیغینی بیلدیردی.

بو حابار بیلن شۇل یره هۇوا حرکتی قورالدی.

هۇوا حرکتینده پ. ک.ک ترور قوراماسی‌نینگ آغضاسی بۇلان ۷ ترورچی اؤلدۆریلدی.

دۆین شانلی اورفانینگ سوروچ اترابیندا دا ۴ ترورچی توسساغ ادیلدی.

پ. ک. ک/ ک. ج. ک آغضاسی بۇلان توسساغ ادیلنلرینگ عادالات و اؤسۆش پارتیاسی نینگ یۇلباشچیلارینا هۆجۆم اتمه‌ک اۆچین طایارلاناندیغی بیلدیریلدی.

ایچری ایشلر وزیرلیگی سۇنگقی ۱۰ گۆنده یورتدا ادیلن حرکتلرده ۶۵ ترورچی نینگ اؤلدۆریلِندیگینی یادا توسساغ ادیلندیگینی بیلدیردی.

شۇل وزیرلیک، ۱۹-۲۸-نجی ژوئن آرالیغیندا ۳۶ ترورچی نینگ اؤلدۆریلندیگینی، ۱۳ تروریست ینگ توسساغ ادیلندیگینی . ۱۶ ترورچی نینگ دا اؤزی تسلیم بۇلاندیغینی حابار بردی.

بیله کی تاراپدان تۆرکیأنینگ یاراغلی گۆیچلری سوریه ده اعزاز ینگ گۆن اۇرتاسینداقی ماراناز بؤلگه سینده ترور قوراماسی پ. ی. د/ ی. پ. گ/ پ. ک. ک آغضالاری نینگ آزات سوریه قشونینا ادن هۆجۆمینه دنگ آغراملی یاغدایدا جۇغاپ بردی.

شۇل ترور قوراماسینا دگیشلی یرلر اورلوپ یۇق ادیلدی و ترورچیلار تأثیرسیز یاغدایدا گتیریلدی.