ییلدیریم چاغالاری قابول اتدی

تۆرکیأنینگ باش وزیری بینالی ییلدیریم، ت. ر.ت نینگ حالقارا ۲۳-نجی آپریل چاغالار فستیوالینا قاتناشماق اۆچین تۆرکیأ گلن میهمان چاغالاری قابول اتدی.

باش وزیر ییلدیریم، چانکایا کؤشگۆنده شو ییل ۲۶ یوردونگ قاتناشماغیندا ۳۹-نجیسی گچیریلیأن ت. ر. ت حالقارا ۲۳-نجی آپریل چاغالار فستیوالینا قاتناشیان میهمان چاغلاری قابول اتدی.

بینالی ییلدیریم قابول ادیلشیکده "سیز دۆنیأنینگ اینگ قادیرلی میهمانلاری. ۲۳-نجی آپریل میللی حأکیمیِت و چاغالار بایرامی دۆنیأدأکی أهلی چاغالارا شاتلیق، آسودالیق و باغتیارلیق گتیرسین" دیدی.

۲۳-نجی آپریل ینگ دۆنیأده دینگه تۆرکیه ده دۆنیأنینگ دؤرت تاراپیندان گلن چاغالارینگ بیرلیکده بِللأپ گچیأن بایرامیدیغینی نیغتان باش وزیر، ۲۳-نجی آپریلینگ شۇل بیر واغتدا تۆرکیأنینگ اؤزباشداقلیلیغینا و قاراشسیزلیغینا ایه بۇلان گۆنۆدیگینی آیراتین بِلله‌دی.

ییلدیریم، ۲۳-نجی آپریل میللی حأکیمیت و چاغالار بایرامی نینگ تۆرکیأنینگ یر ایه چیلیگینده دۆنیأ چاغالاری نینگ بیر یرده اۆیشمه‌گینده گچیریلیأن پاراحاتچیلیق، سؤیگی و دۇغانلیق شۆوه‌لِنگیدیگینی یاتلاتدی.

تۆرکیأنینگ باش وزیری، دۆنیأ چاغالارینا رۇواچلیق، دورنوقلیلیق و یاغتی گلجک آرزوو اتدی.