پوتین أردۇغانا قوتلاغ یۆزلِنمه‌سینی بردی

روسیانینگ باش توتانی ولادیمیر پوتین تۆرکیأنینگ جمهورباشلیغی رجب طیب أردۇغانا ۱۶-نجی آپریل دا گچیریلن رفراندومدان آلینان نتیجه سبأپلی قوتلاغ یۆزلِنمه‌سینی بردی.

جمهورباشلیق قوراماسیندان آلینان ماغلوماتا گؤرأ پوتین اردوغانا تلفن آرقالی جانگ ادیپ اساسی قانونینگ اؤزگِردیلیشی باراسینداقی ایله سۇراغدا آلینان نتیجه سبأپلی تۆرکیأنینگ جمهورباشلیغینی قوتلادی.

تلفن دوشوشیغیندا ایکی چأک قاتناشیقلارینگ عاداتی یاغدایا اؤورۆلمه‌گی اۆچین ادیلن تاغاللالارینگ چالت یاغدایا گتیریلمه گی بیلن بیله لیکده سوریه دأکی اۇت آچیلشیغا بس اولغامی باراسیندا دا دورورلدی.

أردۇغانا ایله سۇراغ سۇنگراسی قوتلاغ یۆزلِنمه لری گلمأگه دۇوام ادیأر.

اؤزبگیستان ینگ جمهورباشلیغی شوکت میرضیایف دا ایله سۇراغدا قازانیلان اۆستۆنلیک سبأپلی تۆرکیأنینگ جمهورباشلیغی رجب طیب أردۇغان –ا قوتلاغ یۆزلنمه سینی بردی.

میرضیایف قوتلاغ اۆچین برن یازماچا بیاناتیندا ایکی دۇغانلیق حالق بۇلان اؤزبک و تۆرک حالقلاری نینگ آراسینداقی دۇستلوقلی قاتناشیقلارینگ اؤسمه گینه اینانیاندیغینی آیتدی.

عیراغینگ ّرلگه له یین کۆرت دۇلانشیغی نینگ باشلیغی مسعود بارزانی دا تۆرکیأنینگ جمهورباشلیغی و باش وزیرینی ایله سۇراغینگ نتیجه سیندن سۇنگرا قوتلادی.