تۆرکیأنینگ جمهورباشلیغی، مسعود بارزانی نی قابول اتدی

تۆرکیأنینگ جمهورباشلیغی رجب طیب أردۇغان عیراغینگ کۆرت دۇلانشیغی نینگ باشلیغی بۇلان مسعود بارزانی نی قابول اتدی.

ایستامبول داقی مابین کؤشگۆنده گچیریلن دوشوشیق ۱ ساغات دۇوام اتدی.

دوشوشیغا انرژی و طبیغی سریشده‌لر وزیری برات آل بایراق، میللی حۇوپسوزلیق قوراماسی نینگ باشلیغی هاکان فیدان، داشاری ایشلر وزیری نینگ اۇرونباساری احمد ییلدیز، دمیرقازیق عیراغینگ کۆرت دۇلانشیغی نینگ مطبوغات گنگه‌شچیسی صفین دیزایی و دۇلانشیغینگ باشلیقلاریندان فواد حسین قاتناشدی.

دوشوشیقدا ایکی چأک قاتناشیقلار، موصل و تلعفردأکی یاغدایلار، آیرالیقچی ترور قوراماسی پ. ک. ک نینگ عیراق دا بۇلوشی و سوریه مسئله سی حاقیندا گپله شیلدی.

گۆن ترتیبی نینگ بیله کی اوغورلاری بوُلسا باشدا انرژی پوداغی بوُلماق بیلن سؤودا قاتناشیقلاری.

تۆرکیه بیلن عیراق ۱۰ میلیارد دلارینگ اۆستۆنده سؤودا قاتناشیقلاری بار.

بو موقدارینگ اولی بؤله‌گی عیراغینگ کۆرت دوُلانشیغی بیلن بوُلان قاتناشیقلارا دگیشلی.

بارزانی نینگ اداراسی نینگ تاراپیندان بریلن ماغلوماتا گؤرأ بو دوشوشیقدا ترور قوراماسی داعش بیلن گؤره‌ش و موصلی داعش دن صاپلاماق اۆچین یؤره‌دیلیأن حرکت باراسیندا گپله شیلدی و تۆرکیأنینگ جمهورباشلیغی دۇلانشیغا داعش بیلن گؤره‌ش مسئله سینده قۇلداو برمأگه دۇوام اتجکدیکلرینی بیلدیردی.

بیاناتدا بؤلگه و سوریه دأکی سیاسی اۆیتگشمه‌لر، ژنودأکی دوشوشیقلار و حالقارا دنگ آغراملیلیقداقی اۆیتگشمه‌لرینگ بؤلگأ تأثیری و تۆرکیه بیلن عیراغینگ آراقاتناشیغی حاقیندا اۇیلانیلاندیغی بیلدیریلیأر.