مک کین: آمریکا داعش- ی ینگمه‌ک اۆچین تۆرکیه بیلن ایشله‌شمه‌لی

سناتور مک کین آنکارادا تۆرکیأنینگ جمهورباشلیغی تاراپیندان قابول ادیلدی

آمریکاداقی جمهوریتچی پارتیانینگ آریزونادان سناتوری جان مک کین یوردونینگ ترور قوراماسی داعش –ی ینگمه‌گی اۆچین تۆرکیه بیلن ایشله‌شمه‌لیدیگینی نیغتادی.

شۇل بیر واغتدا سنا مجلیسی نینگ یاراغلی حیذماتلار کمیته سی نینگ باشلیغی وظیپه‌سینی یرینه یتیریأن مک کین آنکارادا پرزیدتن أردۇغان تاراپیندان قابول ادیلدی.

قابول ادیلشیکدن سۇنگ یازماچا بیانات برن سناتور دوشوشیغینگ ایچگین یاغدایدا گچندیگینی و نتیجه‌لیدیگینی بِلله‌دی.

مک کین بیاناتیندا "آمریکا داعش-ی قیسغا واغتدا ینگمه‌ک، دوشمانلاریمیزی یۇق اتمه‌ک و بؤلگه‌ده دنگ آغراملیلیغی اۆپجۆن اتمه‌ک اۆچین تۆرکیه بیلن ایشله‌شمه‌لی. بو ماقصادا لاییقلیقدا پرزیدنت أردۇغان سوریه ده حۇوپسوز زۇلاغینگ دؤره‌دیلمه‌گینی و رقه نینگ ایزینا آلینماغی اۆچین یؤریته تکلیپ هؤدۆرله‌دی و آمریکا شۇل تکلیبه اۆنس برمه‌لی" دیدی.