ییلدیریم بارزانی بیلن دوشوشدی

آلمانیاداقی ساپارینا دوُوام اتدیرن تۆرکیأنینگ باش وزیری بینالی ییلدیریم عیراغینگ بؤلگه‌له‌یین کۆرت دولانشیغی نینگ باشلیغی مسعود بارزانی بیلن دوشوشدی.

مونیخ داقی دوشوشیق ۴۰ داقیقا دوُوام اتدی و دوشوشیغینگ گۆن ترتیبینده داعش و پ. ی. د باشدا بوُلماق بیلن ترور بیلن ساواش و بؤلگه آرا و حالقارا مسئله لر باردی.

دوشوشیقدا گپله شیکلرینگ موندان دا کؤپرأک دوُوام اتدیریلمه‌گی باراسیندا ایلالاشیلدی و ترور بیلن ساواش باراسیندا توتان یرلیلیک بیلدیریلدی.

تۆرکیأنینگ باش وزیری ترورچیلیق بیلن ساواش باراسینداحابارلاشماق و بیله لیکده حرکت اتمه‌گینگ أهمیتینه اۆنس چکدی.

بارزانی دا ییلدیریما شوُل باباتدا قوُشولیاندیغینی آیدیپ سوُنگقی واقالار باراسیندا ماغلومات بردی.

باش وزیری داشاری ایشلر وزیری مولود چاووش اوغلو، اوروپا بیله له شیگی وزیری عمر چلیک و میللی حوُوپسوزلیق اداراسی نینگ باشلیغی هاکان فیدان یوُلداشلیق اتدی.