تۆرکیأنینگ جمهورباشلیغی: یاشلار یوردی بای بیر گلجگه یتیرر

تۆرکیأنینگ جمهورباشلیغی رجب طیب أؤدوُغان بیرینجی اینؤنۆ ینگیشی نینگ 96-نجی ییللیغی اۆچین بیانات بردی.

أردوُغان بیاناتیندا "عزیز تۆرک میللتی نینگ و قاهرامان قشونی نینگ قاراشسیزلیق اۆچین توتان یرلیلیگی نینگ گؤرکزیجی بوُلان قاراشسیزلیق ساواشلاری نینگ ایلکینجی اتاپلاریندان بیری بیرینجی اینؤنۆ ینگیشیدیر" دیدی.

قشونینگ گۆن باتار جبهه سیندأکی بو ایلکینجی ینگیشی نینگ میللتینگ قاراشسیزلیق اۆچین ساواشینداقی اینانچ و توتان یرلیلیگی نینگ گۆیچله نمه‌گینه ایترگی بوُلاندیغینا اۆنس چکن رجب طیب أردوُغان شیله دوُوام اتدی:

"آتالاریمیزینگ بیزه آماناتی بوُلان واطانینگ توُپراقلارینا، شوُل بیر اینانچ و بیلینچ بیلن یاش نسلیمیزینگ ایه چیقجاغینا و اولارینگ یوردومیزی بای بیر گلجگه یتیرجکدیگینه اینانیارین. بو پیکیرلر بیلن قاراشسیزلیق اۆچین ساواشیمیزینگ بۆتین قاهرامانلارینی حوُرمات بیلن یاد ادیأری"

1921-نجی ییلینگ 6-11-نجی یانواریندا اسکی شهیرینگ اینؤنۆ دییلن یرینده گچیریلن ساواشدا 6 مۆنگ تۆرک عسگری، 18 مۆنگ یونان عسگرینه قارشی ینگیش قازانیپدی.

بو ینگیش، تۆرک حالقی نینگ قاراشسیزلیق ساواشینداقی ینگیشینه ایترگی بوُلوپدی.