شو گۆن تۆرکیه ده موغاللیملار گۆنی
تۆرکیأنینگ جمهورباشلیغی، مجلیس باشلیغی، میللی بیلیم وزیری و قشون باشلیغی موغاللیملار گۆنۆنی قوتلادی
شو گۆن تۆرکیه ده موغاللیملار گۆنی.
تۆرکیأنینگ رسمی ماقاملاری شو گۆنی یاتلادی و قوتلاغ یۆزلِنمه سینی بردی.
تۆرکیأنینگ جمهورباشلیغی رجب طیب أردۇغان، برن یۆزلِنمه سینده تۆرکیأنینگ دینگه بیلیملی میللی و معنوی دگأرلره ایه نسیللر بیلن ۲۰۲۳ ماقصاتناماسینا یتیپ بیلجکدیگینی بیلدیردی.
تعلیم تربیه ده درسلر و کیتاپلارا تأزه دن قارالجاقدیغینی نیغتان تۆرکیأنینگ جمهورباشلیغی:
"چاغالاریمیز اوزاق ییللاردان بأری سیاسی و ایدئولوژیک تایدان هممه لری یکه تأک یاغدایا گتیرجهک تعلیم تربیأ مجبور قالدی" دیدی.
أردۇغان قوتلاغ یۆزلِنمه سینده :
"بیز مانگا بیر حارپ اؤورهدنینگ قیرق ییل قولی بۇلارین دییلن سؤزۆنده اؤزۆنی گؤرکِزن بیر گلجگینگ وکیللری حؤکمۆنده، موغاللیملاریمیزا مینتدارلیق برگیمیزی هیچ هاچان دۇلولیغینا تؤلأپ بیلمهریس. یوردومیزینگ اینگ چت قیراسیندا هر حیلی قینچیلیقلارا قارامازدان پیداکأرلیک بیلن ایشینه دۇوام ادیأن موغللیملاریمیزا قۇلداو برمهک و شۇلارینگ ایش یاغدایینی قۇویلاشدیرماق باراسیندا توتانیرلیدیرس" دییپ بِللهدی.
تۆرکیأنینگ بیک میللت مجلیسی نینگ باشلیغی اسماعیل قاهرامان دا برن قوتلاغ یۆزلِنمه سینده:
"ایلکینجی بویروغی اۇقا بۇلان بیر اینانجینگ آغضالاری حؤکمۆنده اۇقان کیتاپلاریمیزدا پایی بۇلان موغاللیملاریمیزی تۆیس یۆرکدن قوتلایارین" دییپ بِلله دی.
میللی بیلیم وزیری عصمت ییلماز دا برن قوتلاغ یۆزلِنمه سینده پیداکأرلیگه اۆنس چکدی و
"موغاللیملار آدامزادی تربیه ادن، شۇل یاغدایدا بیر مدنیت قوران یۇلباشچیلاردیر" دییپ بیلدیردی.
قشون باشلیغی حلوصی آقار دا برن یۆزلِنمهسینده
"حالقیمیزینگ هر بیری نینگ دۇغری ماقصاتلار اوغروندا تربیه ادیلمه گی اۆچین زأحمت چکن موغالیملاریمیزینگ گۆنی قوتلی بۇلسون" دیدی.
دِگیشلی حابارلار
یونان ینگ باش وزیری آنکارادا
اؤزآرا قاتناشیقلار بیلن بیله لیکده بؤلگه آرا و گلوبال یاغدایلار حاقیندا دا گنگه شیلر