قالین: دابقینگ آلینماغی داعشینگ یۇیولان ایدئولوژیسینا آغیر ضاربادیر
تۆرکیأنینگ جمهورباشلیق دیوانینینگ ایش دۇلاندیریجیسینینگ اۇرونباسارینینگ دیلی صباح قازِتیندأکی ماقالاسی
تۆرکیأنینگ جمهورباشلیق دیوانینینگ ایش دۇلاندیریجیسینینگ اۇرونباساری و مطبوغات گنگهشچیسی ابراهیم قالین "دیلی صباح" قازتینه گۆن ترتیبینینگ ایلری توتولیان اوغری بارادا ماقالا یازدی.
قالین ماقالاسیندا "دابقینگ آلینماغی داعشینگ یۇیولان ایدئولوژیسینا اورلان آغیر ضاربادیر. چۆنکی داعش دابق ینگ قیامات گۆنی اورشونینگ بۇلجاق یریدیگینه اینانیار" دییپ نیغتایار.
ابراهیم قالین: "داعش، دابق و قیامات ایدئولوژیسینینگ سامسیقلیقلاری" سؤزباشیلی ماقالاسیندا، تۆرک قۇشونی تارپایندان قۇلدانیان آزات سوریه قشونینینگ ۱۶-نجی اکتیابردا دابق اتراپچاسینی داعشدن آلیپ ۲۴-نجی آگوستدا باشلان فیرات قالقانی اۇپراسیاسینینگ (عملیاتینینگ) چأگینده داعشه ینه ده بیر ضاربا اوراندیغینی یاتلادیار.
داعشینگ ایکی آیدان آز واغتدا تۆرکیه- سوریه سرحت یاقاسینداقی اساسی یرلری الدن گیدیرِندیگینی بیان ادیأن قالین، شۇل بیر واغتدا دا داعشینگ دابق بیلن باغلی قیامات حکایاسینا اساسالانیان یۇیولان ایدئولوژیسینینگ اساسی فاکتورلاریندان بیری بۇلان قانونیلیق باراسیندا گۆنسایین قینچیلیغا سزهواردیغینا اۆنسی چکدی.
ابراهیم قالین بیر تاراپدان عیراغینگ ۲۰۰۳-نجی ییلدا نأحیللی باسیلیپ آلیناندیغینی، بیلهکی تاراپدان مالکینینگ یۇلباشچیلیغینداقی حؤکۆتینگ ۲۰۱۰-۲۰۱۳-نجی ییللارینگ آرالیغینداقی مذهپچی سیاساتلارینینگ نتیجهسینده دؤرهدیلن و نتیجهده عیراغینگ اساسی شأهِرلریندن بیری بۇلان موصل –ی آلان داعشینگ نأحیللی یۆزه چیقاندیغینینگ یاتلانماغینینگ یترلیک بۇلجاقدیغینی بیان اتدی.
قالین، تۆرکیأنینگ سرحتلرینی ترورچیلاردان صاپلاماق اۆچین فیرات قالقانی حرکتینینگ لاشلاندیغینی یاتلادیپ، ماقالاسیندا شیله یازدی:
فیرات قالقانی اۇپراسیاسینینگ باشلان گۆنۆندن بأری، جرابلس بیلن بیلهلیکده اؤرأن اهمیته ایه بۇلان شأهِرلر و دجله بیلن فیرات دریالارینینگ آراسیندا، تۆرکیه- سوریه سرحدینده داعشینگ باسیپ آلان کؤپ سانلی اۇبا و شأهِرچه داعشدن آلیندی. آزات سوریه قشونی، چکن ییتگیلرینه قارامازدان، داعشینگ کنترل آستینداقی کؤپ سانلی اۇبا و شأهِرچأنی آزات اتدی.
آزات سوریه قشونی، ترورچی تۇپارینگ سوریهدأکی ایکی قالاسی حؤکمۆنده بۇلان الباب و رقه شأهِرلرینه دۇغری دورمانی یۇلونا دۇوام ادیأر. اِمما فیرات اۇپراسیاسی، سوریهده داعشه قارشی تأثیرلی بیر حرکت بۇلاندیغینی گؤرکِزدی. اۇپراسیا واغتیندا بؤلگهلر تروردان صاپلاندی. آزات سوریه قشونینینگ اؤزۆنه اینامی یۇقارلادی. عیلیملی تۇپارلارینگ آزات سوریه قشونینا قۇشولماغی اۆچین ایشلر ادیلدی و مۆنگلرچه سوریهلینینگ اؤیلرینه قایدیپ گلمهگی اۆچین مۆۇمکینچیلیک دؤرهدیلدی.
موندان دا اولوسی، پ. ک. ک نینگ سوریهدأکی ترورچی قۇلی بۇلان دموکراتیک بیرلیک پارتیاسی (PYD) و حالق قۇراغ بیرلیگینینگ (YPG) بؤلگهده داعشه قارشی اورشیان یکهتأک گۆیچ بۇلاندیغی باراداقی یالانلار دا پاش بۇلدی."
قالین بیر تاراپدان عیراغینگ ۲۰۰۳-نجی ییلدا قینانچ یاغدایدا باسیپ آلینماغی و بیلهکی تاراپدان دا مالکی حؤکۆمتینینگ ۲۰۱۰-۲۰۱۳-نجی ییلاردا مذهپچی سیاساتلارینینگ نتیجهسینده قورالان و آحیریندا دا عیراغینگ ایکینجی اینگ اولی شأهِری بۇلان موصل –ی آلان داعشینگ نأحیللی اۇرتا چیقاندیغینینگ یاتلادیلماغینینگ یترلیک بۇلاندیغینی آیتدی.
ابراهیم قالین یازان ماقالاسینا شیله دۇوام ادیأر:
"دوشمان بیر حؤکۆمت و اۇنگا تابین تعصیپلی یاراغلی گۆیچلر تاراپیندان داشالدیلان، حۇرلانان و باسیش ادیلن سنی طایپالارو موصلینگ یؤنهکی رایاتلاری ۲۰۱۴-نجی ییلدا ۶۵ مۆنگ آداملیق گۆیچلی عیراق قشونی بیر گۆللـه بِللهمأنی شأهِردن آیریلان ماحالی دینگه تۇماشا اتدی. بو داعش اۆچین حۇوپسوز (امن) بیر یر دؤرهتدی. سنی- شیغا قاتناشیقلارینی بتررأک زأهِرلهدی. قیسغا مؤهلت موندان اۇزال باشلایان موصل اۇپراسیاسی باراسیندا دا شۇل آیدیلانا منگزش قۇرقی بار.
تۆرکیأنینگ سرحتلری بۆتین ترورچیلاردان تمیزلهنیأنچأ، رایاتلارینگ و سوریه سرحدیندأکی سوریهلیلرینگ حۇوپسوزلیغی برکیلیدیلیأنچآ فیرات قالقانی اۇپراسیاسینا دۇوام اتدیرمهک براسیندا توتانیرلدیریس. یاشاییشینگ عاداتی یاغدایا اؤورۆلِن جرابلس- اعزاز حاطینداقی حۇوپسوز کریدوردا بۇلان واقالار دا شۇل دوغرودادیر.سوریه حالقینینگ اینگ آزیندان بو بؤلگهدأکی حالقینگ اؤزلرینیگ قۇرانیانیلیاندیغینی بیلمهگی أهمیتلیدیر. بۆتین دۆنیأ پول اۆچین بۇلیان اورشلار و ژئوپولیتیک گۆیچ سینانشیغی اۆچین سوریه حالقینی یکه قۇیان شول واغتلاردا اۇلارینگ اؤزلرینی حۇوپسوز گؤرمهگی أهمیتلیدیر.
دابقینگ داعش دن آلینماغی داعش اۆچین اورش تایدان ینگیلمهگیدیر. اۇندان دا أهمیتلی بۇلانی، بو مسئله اۇنونگ یۇیولان ایدئولوژیسینا اولی ضاربادیر. چۆنکی داعش، دابق ینگ قیامات گۆنی اورشینینگ، مسیحیلرینگ آیدیشینا گؤرأ ده قۇوی و تلکهلرینگ (اِربِتلرینگ) اتجک سۇنگقی ساواش یری بۇلاندیغینا اینانیار.
دابق دِرگیسی (ژورنالی) اسلامی سؤزلری قۇرقوزان یاغدایدا اۆیتگهدیأر و عسگر ییغناماق و اؤزۆنی اؤومهک اۆچین پروپاگاندا یؤرهدیأر. درگی، ترور قوراماسینی مشروغ گؤرکِزمهک اۆچین، تاماکین و سامسیق یۇللاری بارلایاندیغینی گؤرکِزیأر.
اۇلارینگ درگیسینه قارالاندا، بینجالیق دؤرهدِن زاتلاری گؤرمهک مۆمکین.
ایلکینجی گِزِک ۲۰۱۴-نجی ییلینگ ایول (ژوئن) آییندا نشیر ادیلن و ۱۵-نجی سانی چاپ بۇلان درگی، توحید، متد، هجرت، جهاد و جماغاتینگ تاراپیندان بۇلاندیغینی اؤنگه سۆریأر. اوسسالیق بیلن درگی چیقاریپ، خلیفهچیلیق باراداقی اؤز قاراییشلارینی دۇغری گؤرکِزمأگه سینانشیارلار و مسلمانلارینگ شۇل یره گؤچ اتمهگینی ایسلهیأرلر. شیله گِرِکسیز پروپاگاندا تاکتیکلری و هۆجۆملری اولانیارلار و یۇیولان ایدئولوژیلارینا أهمیت برمهیأن یهودیلارا، مسیحیلره، شیغا مسلمانلارا و مسلمان دۇغانلارا و بۆتین مسلمانلارا هۆجۆم ادیأر.
دینی فتوا حؤکمۆنده چیقاریلان مکتوب آدینداقی داعشینگ ایدئولوژیسینینگ دینی تایدان یالنگیش بۇلاندیغی بیر بیر ثبوت ادیلدی. داعش مدرن دؤوۆرده شیطانی تۇلقونلارا منگزِش ییقیجی بیر ایدئولوژی قورادی. اؤتن ییل تۆرکیأنینگ دیانت ایشلری قوراماسی دینی تحریف و ترور حرکتی حؤکمۆنده داعش آدیندا ۴۰ صاحیپالیق بیر ردّیه چاپ اتدی. داعشینگ ایدئولوژیسینی حاقلی گؤرکِزمه اۆچین ادیأن تاغاللالارینا قارشی هم اسلام دۆنیأسی هم ده گۆنباتاردا یاشایان مسلمان یۇلباشچیلار شۇل ایدئولوژینی یۇق اتمأگه سینانشماغی دۇوام اتدیرمهلیدیر. مسلمانلار تحریف و ییقماق ماقصاتلی دنیوی نیتلری بۇلان بو بربر ایزاقالاق تۇپارینگ دینلرینی و بای مدنیتینی باسیپ آلماغینا روغصات برمهلی دألدیر. گۆن باتارلی یورتلار داعشینگ نأمهدیکگینی گؤرمهلیدیر و اۇلارینگ مهماتی بۇلان اسلاموفوبیا و اسلاما دوشمانلیغی اۇداندیرماغی دوروزمالیدیر.
سوریه ساواشی نینگ ایکی جاناواری بۇلان داعش و اسد رژیمی بیری بیرینه کؤمِک ادیأر بیری بیرینی یاشادیار و یاغدای بیله دۇوام ادن حالاتیندا سوریه و شونونگ داشیندا یاشایانلار انسانلیق اۆچین اینگ اولی درام و دارتغینلیغینگ دۇوام اتجکدیگینی یاتلاریندا ساقلار. داعش ی سوریه، عیراق و بیلهکی یرلردن صاپلاماق أهمیتلیدیر. اِمما بو ساماش، باشغا آیرالیق تۇحمونی اِکمهلیدألدیر. بۆتین دۆنیأ گۆیچلر، بؤلگهدأکی تاراپلار و بیلهکی قاراشسیز اۇیونچولاردان عیبارات بۇلان تاراپلار، داعش ی کیچی استراتژیک ماقصاتلارینا اۇیونجاق اتمهگی بس اتمهلیدیر. چۆنکی بو ینگیجیسی بۇلمادیق بیر ساواشا اؤورۆلیأر و ایکی یالنگیش بیر دۇغری چنلی دألدیر."
دِگیشلی حابارلار
کانادانینگ داشاری ایشلر وزیری تۆرکیأ گلیأر
کانادانینگ داشاری ایشلر وزیری ملانی جولی ایکی گۆنلۆک رسمی ساپار بیلن تۆرکیأ گلیأر