حکاری‌داقی حیاناتچیلیقلی هۆجۆم برک یازغاریلیار
حکاری‌نینگ شمدینلی اترابینداقی هۆجۆمده شهیت عسگرلرینگ سانی ۱۰
585912
حکاری‌نینگ شمدینلی اترابیندا ترور قوراماسی پ. ک. ک بمبا یۆکله‌نِن اولاغ بیلن هۆجۆم قورادی.
حیاناتچیلیقلی هۆجۆمده ۱۰ عسگر و ۸ یؤنه‌کی رایات شهیت بۇلدی.
واقادا ۲۷ عسگر ده یارالاندی.
یارالانانلار یۆکسک اۇا و شمدینلی کسلحانالاریندا بجرگی آلیار.
پارتلامادان سۇنگرا تۆرکیأنینگ باش وزیری بینالی ییلدیریم "۵ تن پارتلاییجی بیلن اؤزۆندن گچمه لیک (انتحاری) هۆجۆمی قوران آدام اؤزۆنی و کامیونتی پارتلادیپ بو هۆجۆمی قورادی" دیدی.
ییلدیریم "تۆرکیه ترورچیلیق، داعش و هر حیلی ترور قوراماسی بیلن گؤره‌شینی برک دۇوام اتدیرر. ترورچیلاردان میللتی و یوردی قۇراماق اۆچین الیمیزدن نأمه گلیأن بۇلسا ادریس و دۇوام اتدیرریس" دیدی.
جمهوریت حالق پارتیاسی‌نینگ باشلیغی کمال قیلیچداراۇغلی دا بو هۆجۆمی برک یازغاردی و ترورچیلارینگ هیچ هاچان ماقصادینا یتیپ بیلمه‌جِکدیگینی آیتدی.
