۱۶ باش‌ایلچی‌نینگ یری اۆیتگه‌دیلدی
تۆرکیأنینگ داشاری یورتلارداقی ۱۶ باش‌ایلچی‌نینگ یری اۆیتگه‌دیلدی.
شۇلاردان ۸-ی تۆرکیأ داشاری ایشلر وزیرلیگینه گتیریلدی.
بیرنأچه باش‌ایلچی‌نینگ مرکزه آلینماغی و بیرنأچه‌سی‌نینگ ده وظیپأ بِللِنمه‌گی باراداقی قارار رسمی قازتده چاپ ادیلدی.
داشاری ایشلر وزیرلیگی‌نینگ ۲۳-نجی ژوئن‌دأکی یازغیسی بیلن تۆرکیأنینگ باش ایلچیسی و اوروپا بیله‌له‌شیگی‌نینگ گنگه‌شچیسی رئوف انگین سۇیسال اوروپادا حۇوپسوزلیق و حیذماتداشلیق قوراماسیندا تۆرکیأنینگ همیشه‌لیک وکیلی بۇلدی.
باش ایلچی احمد آلتای جنگیزلر، بیرلشن میللتلر قوراماسی‌نینگ یونسکو قوراماسیندا تۆرکیأنینگ همیشه‌لیک وکیللیگینه گتیریلدی.
ایرلنددأکی باش ایلچی نجیپ اگۆز، تایلندأکی باش ایلچی بۆلنت تولون، آلمانیاداقی باش ایلچی حسین آونی قارصلی اۇغلی و بیرلشن میللتلر قوراماسی نینگ یونسکو قوراماسینداقی وکیلی حسین آونی بۇستالی دا آنکارا چاغیریلدی.
داشاری ایشلر وزیرلیگی‌نینگ ۲۶-نجی ایول دا قۇیبرن حاطینا گؤرأ ۶ باش ایلچی نینگ ایشله‌جک یرلری ده بِللی بۇلدی.
علی رفات کؤکسال تأجیگیستان داقی تۆرکیأنینگ باش ایلچیسی بۇلدی.
نوری قایا بقال باشی کاستاریکاداقی تۆرکیأنینگ باش ایلچیسی بۇلدی.
مورات لۆتِم سنگاپورداقی تۆرکیأنینگ باش ایلچیسی بۇلدی.
حیدر کرم دیوان اۇغلی میانمارداقی تۆرکیأنینگ باش ایلچیسی بۇلدی.
مغولیستان داقی تۆرکیأنینگ باش ایلچیسی مراد قاراگؤز اردن دا تۆرکیأنینگ باش ایلچیسی بۇلدی.
آتن- پیره باش کنسولی اسماعیل صفا یۆجه أر گامبیاداقی تۆرکیأنینگ باش ایلچیسی بۇلدی.
سنگاپور، میانمار، اردن و گامبیاداقی تۆرکیأنینگ باش ایلچیلری ده مرکزه چاغیریلدی.
دِگیشلی حابارلار
تۆرکیه بیلن فلسطین ینگ آراسیندا ایکی ایلالاشیق قابول ادیلدی
تۆرکیأنینگ بیک میللت مجلیسینده تۆرکیه بیلن فلسطین ینگ آراسیندا قوُل چکیلن ایلالاشیقلار قابول ادیلدی
تۆرکیه ترورچیلیق بیلن گؤره‌شه دوُوام ادیأر
11 ولایاتدا ترورچیلار تاراپیندان قوللانیلیان 92 قوُواق و هین یوُق ادیلدی
