اعزاز- جرابلس داعش‌دن تمیزله‌ندی
سوریأنینگ تۆرکیه بیلن سرحدینده داعش یۇق
ترور قوراماسی داعش‌ینگ تۆرکیه بیلن سرحدی قالمادی.
فیرات قالقانی حرکتی بیلن تۆرکیأنینگ قشونی نینگ قۇلداوی بیلن داعش ترور قوراماسینا قارشی ساواشان ارکین سوریه قشونی اعزاز بیلن جرابلس شأهِرلرینی بیرله‌شدیردی.
شیله‌لیک بیلن تۆرکیه- سوریه سرحدینده داعش‌دن ترورچی قالمادی.
حرکتینگ ۱۲-نجی گۆنۆنده سوریه‌ده ۶۰۰ ایه‌دؤردۆل کیلومتر داعش‌ینگ الیندن آلیندی.
تۆرک یاراغلی گۆیچلری‌نینگ اۇرتاق یؤریته وظیپه گۆیجی‌نینگ اؤن باشچیلیق اتمه‌گینده ۲۴-نجی آگوست‌دا باشلادیلان فیرات قالقانی حرکتی ماقصاتلاریندان بیرینه یتیپ باردی.
سوریأنینگ جرابلس شأهِریندن باشلایان حرکتینگ ایکینجی ماقصادی اۆچین اؤنگین کیلیس ولایاتی‌نینگ اِل بیلی اترابیندان چۇبان بگ اترابینا گیریلیپ باشلاندی.
تأزه جپهأ تۆرکیأنینگ هۇوا گۆیچلرینه دگیشلی اوچارلار دا قۇلداو بریأر.
جرابلس‌ینگ گۆن‌اۇرتا گۆن‌باتارینداقی بیرنأچه اۇبادا دا آمریکان A۱۰ اوچارلاری بیلن داعشه قارشی هۆجۆم قورالدی.
القاضی بؤلگه‌سینده ۳، وقوف بؤلگه‌سینده ۱ یر اورولدی.
تۆرکیأنینگ قشون باشلیقلیغی ۲۴-نجی آگوست‌دان بأری ۳۸۳ هدپینگ ۵۹۹ گِزِک اورولاندیغینی بیلدیردی.
۱۲ گۆنده داعش‌ینگ بۇلیان ۲۰ یری ۵۲ فیرتینا و ۲۰ کؤپ هدپی اوران راکتلر بیلن اورولدی.
۱۱ مین و ۳۲۵ بمبا دا یۇق ادیلدی.
ارکین سوریه قشونی تۆرکیأنینگ یاراغلی گۆیچلری‌نینگ قۇلداوی بیلن اعزاز- جرابلس آراسینداقی تۆرکیه- سوریه سرحدینده ترورچیلاردان تمیزله‌نِن ۳-۵ کیلومتر حۇوپسوز قوشاق دؤره‌تدی.
شیله ده داعش تۆرکیأنینگ سرحدیندن داشالدیلدی.
تۆرکیأنینگ یاراغلی گۆیچلری فیرات قالقانی حرکتی‌نینگ باشیندان بأری یؤنه‌کی رایاتلارینگ ضلل گؤرمِزلیگی اۆچین هر حیلی ایشی آلیپ باریار.
یارالانان ارکین سوریه قشونی نینگ عسگرلری اؤنگجۆپینار سرحت گچلگه‌سیندن تۆرکیأ گتیریلیأر.
چاقنیشیقدا یارالانان ارکین سوریه قشونی نینگ ۱۹ عسگری بجرگی اۆچین کیلیس شأهِرینه گتیریلدی.
دِگیشلی حابارلار
یونان ینگ باش وزیری آنکارادا
اؤزآرا قاتناشیقلار بیلن بیله لیکده بؤلگه آرا و گلوبال یاغدایلار حاقیندا دا گنگه شیلر
