بارزانی تۆرکیأ ساپار قورادی
مسعود بارزانی تۆرکیأنینگ جمهورباشلیغی تاراپیندان قابول ادیلدی
عیراغینگ کۆرت اؤزباشداق بؤلگهسینینگ باشلیغی مسعود بارزانی تۆرکیأ ساپار قورادی.
فت الله چی ترور قوراماسی- پارالل دؤولت اولغامی (فتو/ پ. د. ی) نینگ ۱۵-نجی ایولداقی آغدارلیشیغا سینانشیغیندان سۇنگ حؤکۆمِته قۇلداو برن مسعود بارزانی پرزیدنت أردۇغان تاراپیندان قابول ادیلدی.
قابول ادیلشیکده ترور قوراماسی داعش-ه و پ. ک. ک قارشی گؤرهش بیلن بیرلیکده بؤلگهآرا مسئلهلر آرا آلینیپ ماصلاحاتلاشیلدی.
ایکی یۇلباشچی فتو بیلن باغلانشیقلی مکدپلرینگ و قورامالارینگ یاپیلماغی حاقیندا هم پیکیر آلیشدی.
مسعود بارزانی چانکایا کؤشگۆنده باشوزیر بینالی ییلدیریم بیلن هم دوشوشدی.
باشوزیر ییلدیریم عیراغینگ کۆرت اؤزباشداق بؤلگهسینینگ ۱۵-نجی ایولداقی آغدارلیشیق سینانشیغیندان سۇنگ آلیپ باران توتومی و فتونینگ عیراغینگ کۆرت اؤزباشداق بؤلگهسیندأکی قورامالارینا قارشی گؤرهن چأرهلرینی تاقدیر ادیأندیکلرینی آیتدی.
ییلدیریم تۆرکیأنینگ عیراغینگ کۆرت اؤزباشداق بؤلگهسینینگ حۇوپسوزلیغی و دورنوقلیلیغی اۆچین دۇست و دۇغانلیق یورت حؤکمۆنده گچمیشده بۇلشی یالی شو گۆنکی گۆنده و گلجکده هم تاغاللا اتمأگه دۇوام اتجِکدیکلرینی بِللهدی.
بینالی ییلدیریم تۆرکیه بیلن عیراغینگ کۆرت اؤزباشداق بؤلگهسینینگ پ. ک. ک و داعش بیلن بیرلیکده أهلی ترور قورامالارینا قارشی توتانیرلی گؤرهشینی دۇوام اتجِکدیگینی بِللهدی.
عیراغینگ کۆرت اؤزباشداق بؤلگهسینینگ باشلیغی مسعود بارزانی دا ۱۵-نجی ایولداقی آغدارلیشیق سینانشیغی گیجهسینده و تۆرکیهده باشدان گچیریلن ترورچیلیق هۆجۆملرده اؤلِنلر اۆچین قینانچ بیلدیردی.
دِگیشلی حابارلار
تۆرکیه بیلن فلسطین ینگ آراسیندا ایکی ایلالاشیق قابول ادیلدی
تۆرکیأنینگ بیک میللت مجلیسینده تۆرکیه بیلن فلسطین ینگ آراسیندا قوُل چکیلن ایلالاشیقلار قابول ادیلدی
تۆرکیه ترورچیلیق بیلن گؤرهشه دوُوام ادیأر
11 ولایاتدا ترورچیلار تاراپیندان قوللانیلیان 92 قوُواق و هین یوُق ادیلدی