دؤولت باغچه‌لی دموکراسی میتینگینه قاتناشار
باغچه‌لی‌نینگ بیاناتی تۆرکیأنینگ جمهورباشلیغی رجب طیب أردۇغان تاراپیندان دا پایلاشیلدی
میللتچی حرکت پارتیاسی نینگ باشلیغی دؤولت باغچه‌لی ۷-نجی آگوست‌دا ایستامبول‌داقی ینی قاپی محله‌سینده قورالجاق "دموکراسی و شهیتلر" میتینگینه قاتناشجاقدیغینی بیلدیردی.
باغچه لی توئیتر حاسابیندان برن بیاناتیندا میتینگده ۷۹ میلیون تۆرک رایاتینی، قاتناشان دؤولت و سیاسات آداملارینی قوجاقلاجاقدیغینی نیغتادی.
باغچه‌لی‌نینگ بو بیاناتی تۆرکیأنینگ جمهورباشلیغی رجب طیب أردۇغان تاراپیندان دا پایلاشیلدی.
أردۇغان شیله‌لیک بیلن ایلکینجی گِزِک باشغا بیر سیاسی یۇلباشچی‌نینگ بیاناتینی اؤز صاحیپاسیندا پایلاشدی.
أردۇغان‌دان سۇنگرا باش وزیر بینالی ییلدیریم دا باغچه‌لی‌نینگ میتینگ باراداقی توئیتلرینی پایلاشدی.
تۆرکیأنینگ جمهورباشلیغی رجب طیب أردۇغان ۷-نجی آگوست‌داقی دموکراسی و شهیتلر میتینگی اۆچین جمهوریت حالق پارتیاسی‌نینگ باشلیغی کمال قیلیچداراوغلی بیلن میللتچی حرکت پارتیاسی‌نینگ یۇلباشچیسی دؤولت باغچه‌لی نی چاغیریپدی.
قیلیچداراوغلی ینی قاپی داقی میتینگه قاتناشماجاقدیغینی اِمما شۇل میتینگه بیر تۇپار ایبرجِکدیگینی آیدیپدی.
