آذربایجان ینگ جمهورباشلیغی آنیت قابیرا باردی

آذربایجان ینگ جمهورباشلیغی الهام علی یف یوردوندا گچیریلن جمهورباشلیقلیق سایلاویندان سوُنگرا بیرینجی داشاری یورت ساپارینی تۆرکیأ قوریار.

علی یف و بیله لیگیندأکی توُپاری ایلکی بیلن تۆرکیه جمهوریتی نینگ اساسلاندیریجیسی مصطفی کمال آتاتۆرک ینگ یأدیگأرلیک قبوری نینگ بوُلان یری آنیت قابیرا گلدی.

غازی مصطفی کمال آتاتۆرک ینگ داشینا گۆل دِسسه سینی قوُیان علی یف تۆرکیأنینگ اساسلاندیریجی جمهورباشلیغینا حوُرمات قوُیدی.

علی یف سوُنگ بوُلسا آنیت قابیرینگ یؤریته دِپدرینه قوُل چکدی.

علی یف شوُل دِپدِره شیله یازدی:

"تۆرک دۆنیأسی نینگ اولی ییگیدی، اۆستۆنلیکلی یوُلباشچی و عاقیللی باش توتانی غازی مصطفی کمال آتاتۆرک ینگ عزیز حاطیراسینی اینگ یۆره کدن حوُرمات و احترام بیلن یاد ادیأرین. اولی یوُلباشچی مصطفی کمال آتاتۆرک یۆز ییل اوُزال اینگ اولی یأدیگأری بوُلان تۆرکیه جمهوریتینی قورماق بیلن آدینی دۆنیأنینگ تاریحی نینگ صاحیپالارینا و حالقی نینگ یۆره گینه آلتین حارپلار بیلن ابدی حؤکمۆنده یازاندیر. مصطفی کمال آتاتۆرک ینگ قوران دؤولتی نینگ شو گۆنکی اؤسۆشینی، بایلیغینی، گۆیجۆنی و گلوبال یاغدایداقی تأثیرینی گؤرمه‌ک دوُغانلیق آذربایجان ینگ جمهورباشلیغی حؤکمۆنده منی بویساندیریار.

حالقلاریمیزینگ اینگ اولی بایلیغی بوُلان سارسیلماز آذربایجان – تۆرکیه دوُغانلیغی، جبیسلیگی و رایداشلیغینی قوُراماق و اؤسدۆرمه ک، ایکی یوردونگ اینگ اولی وظیپه سی دیر. آذربایجان ینگ سؤیۆنجینی اؤز سؤیۆنجی، قینانجینی اؤز قینانجی بیلن اولی شخصیت غازی مصطفی کمال آتاتۆرک ینگ عزیز حاطیراسی آذربایجان حالقی نینگ یۆره‌گینده المداما یاشاجاقدیر. روحی شاد بوُلسون"