الهام علی یف آنت ایچدی و تأزه دؤوره باشلادی

آذربایجان دا 7-نجی فورال دا واغتیندان ایرکی سایلاو گچیریلدی.

بو سایلاودا 92.12 گؤتریم سس آلیپ یانگاداندان سایلانان الهام علی یف آذربایجان ینگ میللی مجلیسینده آنت ایچدی و اؤز ایشینه باشلادی.

علی یف آذربایجان ینگ اساسی قانونی نینگ اۆستۆنه الینی قوُیوپ "جمهورباشلیقلیغیم بوُیونچا آذربایجان ینگ اساسی قانونیا باغلی قالجاقدیغیما، دؤولتینگ قاراشسیزلیغی و توُپراق بیتولیگینی قوُراجاقدیغیما، حالقیما لاییق یاغدایدا حیذمات اتجکدیگیمه آنت ایچرین" دیدی.

دابارادا آذربایجان ینگ میللی موقامی چالیندی.

قرآن کریمه ده الینی قوُیان الهام علی یف "آذربایجان حالقی نینگ عاصیرلاردان بأری یوُلا قوُیان میللی و معنوی قیمماتلیقلارینا و دأپ- دِسسورلارینا باغلی قالارین و اوُلاری قوُرارین" دیدی.

الهام علی یف قاسام ادیلشیک داباراسیندان سوُنگرا باش‌توتان حؤکمۆنده آذربایجان ینگ بایداغینی اوُغشادی.