تۆرکیأنینگ تۆرک یورتلارینا داشاساتووی یوُقارلادی

تۆرکیأنینگ تۆرک دؤولتلری قوراماسینا آغضا بوُلان یورتلارا داشاساتووی اؤتن ییل 2022-نجی ییلا گؤرأ 14.2 گؤتریم یوُقارلادی و 6 میلیارد 831 میلیون دلارا یتدی.

تۆرکیه، آذربایجان، قازاغیستان، قیرغیزیستان و اؤزبگیستان بو قوراما آغضا بوُلان یورتلار.

تۆرک دؤولتلری قوراماسینا آغضا بوُلان یورتلارینگ آراسینداقی سؤودا- تیجارت موقداری سوُنگقی ییللاردا یوُقارلایار.

تۆرکیه بو یورتلارینگ آراسیندا 2.4 میلیارد دلار بیلن اینگ کؤپ آذربایجانا اؤنۆم ساتدی.

تۆرکیأنینگ قازاغیستانا داشاساتوو موقداری 1 میلیارد 700 میلیون دلار بوُلدی.

تۆرکیأنینگ اؤزبگیستانا داشاساتووی 1.6 میلیارد دلار، قیرغیزیستانا 1 میلیارد دلار.

تۆرکیه بو اۆلکه لره اینگ کؤپ شیمیایی اؤنۆملر ساتدی.

تۆرک دؤولتلری یورتلارینا اینگ کؤپ داشاساتوو 4 میلیارد دلار بیلن ایستامبول ولایاتیندان ادیلدی.