حکمت حاجی یف: آذربایجان ارمنیستان بیلن پاراحاتچیلیق ایسله یأر

آذربایجان ینگ جمهورباشلیغی نینگ گِنگِه‌شچیسی حکمت حاجی یف یوردونینگ ارمنیستان بیلن پاراحاتچیلیق ایسله‌یأندیگینی آیتدی.

برلینر قازتینه بیانات برن حاجی یف ارمنیستان بیلن آراقاتناشیقلار مسئله سینده بیرنأچه مسئله بیلن باغلانشیقلی اؤنگه گیدیشلیک ادیلندیگینی بیلدیردی.

آذربایجان ینگ جمهورباشلیغی الهام علی یف و ارمنیستان ینگ باش وزیری نیکول پاشینیان ینگ آراسیندا ایکی هپده اوُزال بوُلان قوُوی گپله شیگه اۆنس چکن حاجی یف موندان اوُزال اسیرلرینگ چالشیغی بیلن باغلانشیقلی ایش آلیپ باراندیقلارینی یاتلاتدی.

ایکی تاراپلایین گپله شیکلرده آراچی یوردا گره ک قالماندیغینی آیدان حکمت حاجی یف شو واغت زنگه زور کریدوری یالی بیرنأچه مسئلأنینگ باردیغینی آیتدی اِمما ارمنیستان بیلن پاراحاتچیلیق ایسله یأندیکلرینی سؤزلرینه قوُشدی.