رشید مردوف اؤزبگیستان ینگ سیاسی توُپاری بیلن دوشوشدی

تۆرکمنیستان ینگ داشاری ایشلر وزیری رشید مردوف بیلن آشغابات دا "دیالوگ پاراحاتچیلیغینگ کِپیلی" آدلی حالقارا ماصلاحاتا قاتناشماغا گلن اؤزبگیستان ینگ جمهورباشلیغی نینگ یانینداقی حوُوپسوزلیق گنگه شی نینگ باشلیغی نینگ اوُرونباساری و اؤزبگیستان ینگ جمهورباشلیغی نینگ داشاری سیاسات مسئله لری بوُیونچا یؤریته وکیلی عبدالعزیز کامیلوف بیلن دوشوشدی.

دوشوشیقدا تۆرکمن- اؤزبک اؤزآرا قاتناشیقلارینی اؤسدۆرمه ک مسئله سی نینگ گینگ گِریمی، شوُل ساندا سیاسی- دیلماتیک، سؤودا- ایقدیصادی و مدنی- قومانیتار (انسانی) اوغورلاردا حیذماتداشلیغی اؤسدۆرمه گینگ گلجگی حاقدا گنگه شیلدی.

دؤولت‌آرا قاتناشیقلارینگ چونگلاشماغینا قوُشانت قوُشیان اینگ یوُقاری درجه ده ایکی تاراپلایین ساپارلارینگ أهمیتینه اۆنس چکیلدی.

دوشوشیقدا حیذماتداشلیغینگ درجه سینه یوُقاری باها بریلدی و بؤلگه ده و اوُنونگ داشیندا حوُوپسوزلیغی، دورنوقلیلیغی و دورموش- ایقدیصادی اؤسۆشی قوُراماقداقی قاراییشلارینگ منگزِه‌شلیگی تاصصیقلاندی.