تۆرک دۆنیأسی نینگ آرکئولوژی بارلاغ بیله له شیگی قورولدی

تۆرک آکادمیسی تاراپیندان تۆرک دۆنیأسی نینگ آرکئولوژیک بارلاغ انستیتوسی و مرکزلر بیله له شیگی قورولدی.

تۆرک دؤولتلر قوراماسی نینگ قوُلداوی بیلن 9-10-نجی نوُیابردا اؤزبگیستان ینگ سمرقند شهرینده تۆرک دۆنیأسی نینگ آرکئولوژی انستیتولاری و مرکزلری نینگ یوُلباشچیلاری نینگ بیرینجی ایش ماصلاحاتی گچیریلدی.

ماصلاحاتا تۆرک آکادمیسی نینگ باشلیغی شاهین مصطفی یف بیلن بیله لیکده آذربایجان، قازاغیستان، قیرغیزیستان، تۆرکیه، اؤزبگیستان، تاتاریستان، قاراقالپاغیستان و مغولیستان ینگ آرکئولوژی بارلاغ انستیتولاری نینگ یوُقاری جوُغاپکأرلری، آرکئولوگ‌لار و هۆنأرمنلر قاتناشدی.

مصطفی یف آچیلیش داباراسیندا تۆرک یورتلارینداقی آرکئولوژیک بارلاغلاری بیله لیکده آلیپ بارماق اۆچین تۆرک دۆنیأسی نینگ آکئولوژی انستیتولاری و مرکزلرینی بیرله شدیرن بیر قورامانینگ قورولماغی نینگ أهمیتینه اۆنس چکدی.

ماصلاحاتا قاتناشیغیلار تۆرک آکادمیسی نینگ اۆستی بیلن تۆرک دۆنیأسی آرکئولوژی بارلاغ انستیتولاری و مرکزلری بیله له شیگی نینگ قورولماغی باراداقی پروتکلا قوُل چکدیلر.

تاتاریستان جمهوریتی نینگ بیلیملر آکادمیسی نینگ طایارلان 7 جلدلیک "وولگا- اورال بؤلگه سی آرکئولوژیسی" اثری ده بو ماصلاحاتدا تانادیلدی.