علی یف حان کندی شهرینه باردی

آذربایجان جمهوریتی نینگ جمهورباشلیغی الهام علی یف، قاراباغ دا اشغالچی ارمنی گۆیچلریندن آزات ادیلن خان کندی شهرینه باردی.

علی یف خان کندی شهرینده و 1992-نجی ییلدا 613 یؤنه کی رایات ینگ اؤلدۆریلن یری بوُلان حوُجالی شهرینده آذربایجان ینگ بایداغینی آسدی.

آذربایجان ینگ جمهورباشلیغی علی یف ایلکینجی گِزه ک خان کندی شهرینه باردی.

ایلکی بیلن سرسنگ بندی نینگ گؤلۆنه و آغ دره شهرینه باران علی یف بو یرلرده آذربایجان ینگ بایداغینی آسدی.

سوُنگ بوُلسا حان کندی شهرینه باران آذربایجان ینگ یوُلباشچیسی، آیرالیقچی اشغالچی رژیم تاراپیندان "پایتاغت" دییپ آد بریلن بو شهرده آذربایجان ینگ بایداغینی گؤنگه چکدی.

آذربایجان 19-نجی سپتامبردا قااباغ دا اساسی قانونی دیکه‌تمِه‌ک اۆچین آنتی ترور حرکتینی باشلادیپدی.

24 ساغاتلیق حرکت بیلن ارمنی یاراغلی گۆیچلری یاراغلارینی تاشلاپدی.

توُسلاما ارمنی رژیمی ده دوُلانشیغی نینگ موندان بیلأک بوُلماجاقدیغینی ایغلان ادیپدی.