قاراباغ داقی توُسلاما ارمنی دوُلانشیغی یاتیریلدی
توُسلاما دوُلانشیغینگ باشلیغی سامول شهرامیان "قین سیاسی و حاربی یاغدایلار سبأپلی" بو قارارا قوُل چکندیگینی آیتدی
آذربایجان ینگ قاراباغ بؤلگه سینده اشغال رژیمینی دؤرهدن توُسلاما ارمنی دوُلانشیغی بو دوُلانشیغینگ یاتیریلاندیغینی بیلدیردی.
بو توُسلاما دوُلانشیغینگ باشلیغی سامول شهرامیان "قین سیاسی و حاربی یاغدایلار سبأپلی" بو قارارا قوُل چکندیگینی آیتدی.
قوُل چکیلن قاراردا "2024-نجی ییلینگ 1-نجی یانوارینا چنلی اؤز وزیرلیکلرینه باغلی بۆتین دؤولت قورامالاری و ادارالار یاتیریلار و داغلی قاراباغ جمهوریتی (آرتساخ) دیهن زات قوتارار" دییپ یازیلیار.
قاراردا، ارمنی یاشاییجیلارینگ اؤز ایسله گی بیلن قاراباغ دا آذربایجان ینگ هؤدۆرلأن مۆمکینچیلیکلری بیلن قالیپ بیلجکدیگی یا دا باشغا یره گؤچۆپ بیلجکدیگی بیلدیریلیأر.
ارمنیلر شوروی نینگ دارغاماغیندان سوُنگرا، بۆتین حالقارا حقوق و ایلالاشیقلارا قارامازدان آذربایجان ینگ توُپراغی بوُلان قاراباغ دا قیرغینچیلیق ادیپ شوُل یری باسیپ آلیپدی.
اوُلار 1991-نجی ییلینگ 10-نجی دکابریندا آذربایجان ینگ بایکوتینا قارامازدان دینگه ارمنیلرینگ قاتناشماغیندا ایلهسوُراغ (رفراندوم) گچیریپ 1992-نجی ییلینگ 6-نجی یانواریندا قاراشسیزلیغینی ایغلان ادیپدی.
ارمنیستان باشدا بوُلماق بیلن هیچ بیر اۆلکه قاراباغ ینگ توُسلاما دوُلانشیغینی رسمی یاغدایدا قابول اتمه دی.
آذربایجان 2020-نجی ییلدا اؤز توُپراغینی آلماق اۆچین حرکت باشلاتدی و 44 گۆنلۆک واطان ساواشیندا، ارمنیستان ینگیلدی.
دِگیشلی حابارلار
تۆرکمنیستان ینگ آنلاین تیجارت بازاری ۳۷۰ میلیون دلار
2029-نجی ییلا چنلی تۆرکمنیستان دا آنلاین سؤودا بازاری 544 میلیون دلارا یتر