آذربایجان قاراباغ دا بوُلان یانغین‌دا یارالانانلارا کؤمِک بریأر

آذربایجان دۆین قاراباغ دا بنزین تانکرینده بوُلان یانغیندا یارالانانلارا کؤمِک بریأر.

آذربایجان ینگ جمهورباشلیغی نینگ گنگه شچیسی حکمت حاجی یف ضلل گؤرن ارمنی حالقینا کؤمِک برمه ک اۆچین بۆتین أتیأچلری اۆپجۆن ادندیکلرینی آیتدی.

حاجی یف آغدام، صابیرآباد و ساغاتلی نینگ کسلحانالاری نینگ یارالیلاری قابول ادندیکلرینی آیتدی.

آذربایجان بۆتین درمانلارینگ دا اۆپجۆن ادیلندیگینی بیلدیردی.

حاجی یف ارمنیستان دان ساغلیغی قوُراییش توُپارلارینی گتیریأن دیک اوچارلارا دا روغصات بریلندیگینی آیتدی و قیزیل صلیب قوراماسی نینگ گوروس- قافا- آیوازلی- فضولی- شوشا- خان کندی یوُلوندان درمان گتیرمه گی اۆچین ده ایش آلیپ باریاندیقلارینی بیلدیردی.

ارمنیستان ینگ رسمی حابار سریشده سی آرمن پرس قاراباغ داقی پارتلامادا 7 آدامینگ کسلحانالاردا اؤلِندیگینی و 13 جسدینگ ده هنیز کیم بوُلاندیغی نینگ آنیقلانماندیغینی حابار بردی.

دۆین آذربایجان ینگ قاراباغ بؤلگه سینده، خان کندی- عسکران یوُلونینگ قوُلاییندا بیر بنزین مرکزی پارتلادی.

شوُل یانغیندا 200-دن کؤپ آدامینگ یارالاناندیغی بیلدیریلدی.