اؤزبگیستان دا تأزه داشکنت شهری قورولیار

اؤزبگیستان قاراشسیزلیغیندان سوُنگرا ایلکینجی شهرینی قوریار.

اؤزبگیستان ینگ جمهورباشلیغی شوکت میرضیایف تأزه شهرینگ پلانی حاقیندا ماغلومات آلدی.

شو گۆنکی گۆنده اؤزبگیستان ینگ پایتاغتی داشکنت ده یاشایان و ایشله یأنلرینگ سانی 5 میلیون آداما قوُلای.

داشکنت ده هر ییل 20 مۆنگ تأزه جای و 40-دان کؤپ اوُقووجایی و شیپاحانا أتیأچ بار.

تأزه داشکنت شهری اۆچین داشکنت ینگ یوُقاری و اوُرتا چیرچیق محله لرینده 19 مۆنگ 720 هکتار یر طایارلاندی.

شهرینگ بیرینجی اِتابیندا 2 مۆنگ 500 هکتاردا 100 مۆنگ آدام اۆچین اؤی و اساسی قورلوشیقلاری سالینار.

شهرینگ 420 هکتاریندا مرکزی پارک، کانال و گؤل ده قورلار.

تأزه شهر تۆرکیه، انگلستان، آلمانیا، هلند، سنگاپو، گۆن اوُرتا کره و امارات یالی اۆلکه لرینگ 20 شرکتی تاراپیندان سالینار.

تأزه داشکنت شهری نینگ عاقیللی شهرلر گؤرنۆشینده قورولجاقدیغی حابار بریلدی.