شوکت میرضیایف قاراباغ دا بوُلدی

ایکی گۆنلۆک دؤولت ساپاری بیلن آذربایجان دا بوُلان اؤزبگیستان ینگ جمهورباشلیغی شوکت میرضیایف آذربایجان ینگ جمهورباشلیغی الهام علی یف بیلن بیله لیکده قاراباغ دا بوُلدی.

قاراباغینگ هۆنجۆسی و قفقازینگ صونغات مرکزی بوُلان شوشا ایکی یوردونگ جمهورباشلیغینا یر ایه چیلیگینی اتدی.

شو ییل تۆرک دۆنیأسی نینگ مدنیت پایتاغتی ایغلان ادیلن شوشا اؤزبگیستان ینگ خیوه شهری بیلن دوُغان شهر ایغلان ادیلیپدی.

ایکی یوردونگ یوُلباشچیسی شوشادا 1883-نجی ییلیندا سالینان ساغاتلی متجیده باریپ گؤردی.

ایکی یوُلباشچی فضولی شهرینده میرزا اولوغ بگ اوُقووجایینی دا آچدی.

960 اوُقووچی نینگ اوُقیجاق اوُقووجایی اؤزبگیستان تاراپیندان قورولدی.

40 درس اوُتاغی، 6 لابراتواری، 2 کامپیوتر اوُتاغی و کنفرانس سالنی بوُلان بو اوُقووجایی فضولی شهری نینگ بیرینجی اوُقووجایی.