أردوُغان: بیرلشن میللتلرینگ عسگرلری پیله اوُباسیندا یالنگیش ایش اتدی

تۆرکیأنینگ جمهورباشلیغی رجب طیب أردوُغان بیرلشن میللتلر قوراماسی نینگ پاراحاتچیلیق گۆیجۆنینگ عسگرلری نینگ دمیرقازیق قبرس تۆرک جمهوریتی نینگ اؤزایغتیارینداقی توُپراقلارینا فیزیکی تایدان قاریشماغی نینگ تۆرکیه تاراپیندان آصلا قابول ادیلیپ بوُلماجاقدیغینی آیتدی.

پاراحاتچیلیق گۆیچلری نینگ عسگرلری نینگ انسانی أتیأچلرینگ چؤزگۆدینه قوُشانت قوُشجاق پیله یوُلی پروژه سینی دوروزماغا سینانشماغی بارادا أردوُغان شیله دیدی:

"آننا گۆنی بیرلشن میللتلر قواماسی نینگ پاراحاتچیلیق گۆیجۆنینگ عسگرلری نینگ دمیرقازیق قبرس تۆرک جمهوریتی نینگ اؤزایغتیارینداقی توُپراقلارینا فیزیکی تایدان قاریشماغی آصلا قابول ادیلیپ بوُلجاق بیر یاغدای دألدیر".

پیله اوُباسیندا یاشایان قبرس تۆرکلری نینگ اؤز یوردونا یتیپ بیلمه گینه پأسگِل برمه گینگ حقوقی و انسانی بوُلماندیغینی آیدان أردوُغان پاراحاتچیلیق گۆیچلری نینگ بو ادن ایشی بیلن تاراپسیزلیغینا پأسگِل برندیگینی آیتدی و اوُلارینگ ادن ایشی نینگ حالقارا حقوغا باپ گِلمه یأندیگینی بیلدیردی.

تۆرک یوُلباشچی، بیرلشن میللتلر قوراماسینا آدی نینگ حاقینی بریپ قبرس داقی بۆتین تاراپلارینگ انسانی أتیأچلرینه چؤزگۆت و قوُشانت قوُشماغینی ایسله دی.