أردوُغان دمیرقازیق قبرس تۆرک جمهوریتی‌نینگ رسمی یاغدایدا تانالماغینی ایسله‌دی

تۆرکیأنینگ جمهورباشلیغی رجب طیب أردوُغان بیرلشن میللتلر قوراماسیندا بۆتین دۆنیأ برن چاغیریشینی یانگاداندان قایتالادی و "دمیرقازیق قبرس تۆرک جمهوریتی نینگ چالت یاغدایدا تانالماغینی" ایسله دی.

تۆرک یوُلباشچی دمیرقازیق قبرس تۆرک جمهوریتی‌نینگ جمهورباشلیغی ارسین تاتار بیلن بیله لیکده پایتاغت لفکوشادا گچیریلن بایرام داباراسینا قاتناشدی.

20-نجی ایول پاراحاتچیلیق و ارکینلیک بایرامی نینگ رسمی داباراسیندا چیقیش ادن أردوُغان 1963- 1974 دؤورۆنینگ قبرسلی تۆرکلر اۆچین قینانچ بیلن، قان، گؤزیاشی و قیرغینچیلیق بوُلاندیغینی آیتدی اِمما تۆرک میللتی نینگ ظالیملارا آصلا بوُیون اِگمه جکدیگینی سؤزلرینه قوُشدی.

أردوُغان تۆرکیأنینگ گارانتی ایلالاشیقلاری سبأپلی حقوق و جوُغاپکأرچیلیگی سبأپلی عسگرلرینگ آدا آیاق باسان گۆنی بوُلان 1974-نجی ییلینگ 20-نجی ایولی گۆنی، قبرس تۆرکلری نینگ آصلا یکه بوُلماندیغینی و تۆرک میللتی نینگ هیچ هاچان بویروق آستیندا قالماجاقدیغینی دۆنیأ ینه بیر گِزه ک گؤرکِزندیگینی آیتدی.

أردوُغان "20-نجی ایول، قبرس تۆرک حالقی نینگ پاراحاتچیلیق و دورنوقلیلیق حاسرتی نینگ و ایغتیار و دنگ حقوقونینگ قوُرالماغی نینگ سمبولیدیر" دیدی.

روم دوُلانشیغی نینگ ادن ظلملارینی و قیرغینچیلیغی بۆتین دۆنیأدن گیزله مأگه سینانشاندیغینی یاتلادان أردوُغان، "اِمما نأمه اتسه لر اتسین، مونی باشاریپ بیلمه زلر. بو توُپراقلاردا ادن قیرغینچیلیقلارینی نه اونوتاریس، نه ده اونوتدیراریس" دیدی.

أردوُغان دمیرقازیق قبرس تۆرک جمهوریتیندأکی دوشوشیقلاریندان سوُنگرا تۆرکیأ قایتدی.