تۆرکیه ده قوربان بایرامی قوتلانیار

تۆرکیه ده چهارشنبه گۆنی قوربان بایرامی نینگ بیرینجی گۆنی.

تۆرکیه دأکی متجیتلرده ایر ارتیر بیلن قوربان بایرامی نامازی قئلئندی.

ایلایتا دا ایستامبول داقی اولی ایاصوفیا متجیدی دانگ بیلن دوُلماغا باشلادی.

آنکارادا دا دۆرلی متجیتلرده بایرام نامازی اوُقیلدی.

بۆتین شهر و اوُبالاردا نامازدان سوُنگرا دعالار اوُقیلدی.

دۆرلی یرلرده قوربانلیقلار چالیندی.

قوربان بایرامی دۆرلی یورتلاردا دا قوتلانیار.

تۆرکمنیستان ینگ پایتاغتی آشغاباتدا، أرطوغرول غازی متجیدینده اوُقیلان بایرام نامازینا مۆنگلرچه تۆرکمن قاتناشدی.

تۆرکمنیستان ینگ جمهوباشلیغی سردار بردی محمدوف قوربان بایرامینی قوتلادی.

تۆرکمنیستان دا بایرام سبأپلی 3 گۆن تعطیل ایغلان ادیلدی.

آذربایجان دا دا باکونینگ متجیتلری دوُلدی.

اؤزبگیستان ینگ جمهورباشلیغی شوکت میرضیایف دا قوربان بایرامینی قوتلادی.

ایسرائیل دا اشغال آستینداقی گۆن دوُغار قدس داقی مسجدالأقصی دا کؤپ سانلی مسلمان فلسطینلی بایرام نامازینی اوُقیدی.

آلمانیانینگ باش وزیری اولاف شولتس و ایچری ایشلر وزیری نانسی فیسر ده توییتر آرقالی مسلمانلارینگ بایرامینی قوتلادی.

بوسنی نینگ مرکزی بوُلان سارایوودا بایرام نامازی غازی خسرو بیک متجیدینده قئلئندی.

دۆنیأنینگ دۆرلی یورتلاریندا دا شو گۆن قوربان بایرامی دییپ قوتلاندی.