قیرغیزیستان بیلن اؤزبگیستان سرحتلرینی آچیار

اؤزبگیستان بیلن قیرغیزیستان ینگ سرحت گِچِلگه‌سینده اؤرۆلن دیوار ییقیلدی.

اؤزبگیستان ینگ اندیجان شهری بیلن قیرغیزیستان ینگ جلال آباد شهری نینگ آراسینداقی بک آباد- خان آباد سرحت گچلگه سینی یاپان دیوار ییقیلدی.

بو دیوار 2010-نجی ییلدا اؤزبگیستان ینگ سرحدینی یاپماق اۆچین اؤرۆلیپدی.

قیرغیزیستان ینگ سرحت قوُراغ قوراماسی بو سرحت بیلن بیله لیکده 2010-نجی ییلدا قاراسوو و قاراباغیش سرحت گچلگه لری نینگ ده یاپیلاندیغینی بیلدیردی و بو گِچِلگه‌لرینگ آچیلماغی اۆچین ایکی یوردونگ دوشوشیقلاری نینگ دوُوام ادیأندیگینی بیلدیردی.

2016-نجی ییلدا ایشینه باشلان اؤزبگیستان ینگ جمهورباشلیغی شوکت میرضیایف قوُنگشی یورتلار بیلن قاتناشیقلاری اؤسدۆرمه‌ک سیاساتی آلیپ باریار.

میرضیایف دۆرلی سبأپلر بیلن یاپیلان سرحت گِچِلگه‌لری نینگ یانگاداندان آچیلماغی اۆچین قوُنگشی اۆلکه‌لر بیلن بیله لیکده ایش آلیپ باریار.