تۆرکمنیستان ینگ یوُلباشچیسی قوُلای‌دا تأجیگیستانا ساپار قورار

تۆرکمنیستان ینگ داشاری ایشلر وزیری رشید مردوف و بیله لیگیندأکی توُپارینگ تأجیک تاراپی نینگ چاقیلیغی بوُیونچا ایکی گۆنلۆک ساپاری باشلادی.

تۆرکمن توُپاریندا اولاغ و آراقاتناشیق، بیلیم وزیرلیگی و سؤودا- صناغات اداراسیندان وکیللر بار.

رشید مردوف ایلکی بیلن تأجیگیستان ینگ داشاری ایشلر وزیری سراج الدین محرالدینوف بیلن دوشوشدی.

دوشوشیقدا سیاسی، سؤودا- ایقدیصادی، مدنی- انسانی و بیله کی اوغورلاردا تۆرکمن- تأجیک حیذماتداشلیغینی اؤسدۆرمه ک بیلن باغلی مسئله لر آرا آلیندی.

بو دوشوشیقدا تۆرکمنیستان ینگ جمهورباشلیغی سردار بردی محمدووینگ دا آپریل آیی نینگ بیرینجی یاریمیندا تأجیگیستانا ساپار قورجاقدیغی حابار بریلدی.

تاراپلار سپتامبر آییندا تأجیگیستان دا گچیریلجک مرکزی آسیا دؤولتلری نینگ یوُلباشچیلاری نینگ 5-نجی دوشوشیغی حاقدا دا گِنگِه شدی.

تۆرکمنیستان ینگ داشاری ایشلر وزیری شو گۆن بوُلسا تأجیگیستان ینگ یوُلباشچیسی امام علی رحمان تاراپیندان قابول ادیلدی.