چاووش اوُغلی بایراموف بیلن تلفن آرقالی دوشوشیق گچیردی

تۆرکیأنینگ داشاری ایشلر وزیری مولود چاووش اوُغلی آذربایجان ینگ داشاری ایشلر وزیری جیحون بایراموف بیلن تلفن آرقالی گۆررۆنگ اتدی.

دوشوشیغینگ گۆن ترتیبینده قاهرامان ماراش دا بوُلان و 11 ولایاتینا اولی ضلل برن 7.7 و 7.6 بال اولولیغینداقی یر تیتره مه لردن سوُنگرا آلیپ باریلان ایشلر باردی.

آذربایجان تاراپیندان بریلن ماغلوماتا گؤرأ آذربایجان همیشه بوُلشی یالی بو قین گۆنلرده دوُغانلیق تۆرکیأنینگ یانیندا دوریاندیغینی و قوُلداوینا و کؤمِکلرینه دوُوام اتجکدیگینی بیلدیردی.

بایراموف دوُغانلیق یورت تۆرکیأنینگ بو قین سیناغدان دا اۆستۆنلیکلی یاغدایدا گچجکدیگینه اینامینی بیان اتدی.

چاووش اوُغلی دا یر تیتره مه سیندن سوُنگرا سوُنگقی یاغدای حاقدا بایرامووا ماغلومات بردی.

ایکی وزیر مونونگ بیلن بیله لیکده بؤلگه آرا مسئله لر حاقیندا دا گِنگِه‌شدی.