اۆچ دوُغان یوردونگ داشاری ایشلر وزیرلری تۆرکمنیستان دا دوشوشدی
تۆرکمنیستان، تۆرکیه و آذربایجان ینگ داشاری ایشلر وزیرلری آوازادا دوشوشدی
تۆرکمنیستان- تۆرکیه و آذربایجان ینگ داشاری ایشلر وزیرلری تۆرکمنیستان ینگ آوازا سیاحاتچیلیق زوُلاغیندا دوشوشیق گچیردی.
بو ماصلاحات، اۆچ دوُغانلیق یوردونگ یوُلباشچیلاری نینگ آوازادا گچیریلجک دوشوشیغی نینگ اؤنگییانیندا گچیریلیأر.
اۆچ وزیر، سؤودا- تیجارت، انرژی، قاتناو، ایقدیصادیهت، گۆمرۆک، تعلیم تربیه، بیلیم و مدنیت پوداقلاریندا قاتناشیقلاری یوُقارلاتماق اۆچین گِنگِهشدی.
تۆرکیأنینگ داشاری ایشلر وزیری مولود چاووش اوُغلی بو دوشوشیقدا "اۆچ یوردونگ اوُرتاق مدنیت میراثی، اوُرتاق دیل، دین و تاریحی بیزی بیری بیرینه باغلایار" دیدی.
تۆرک وزیر، تۆرک دۆنیأسیندأکی قاتناشیقلارینگ دا گۆیچلِهندیریلیأندیگینی سؤزلرینه قوُشدی.
ماصلاحاتا تۆرکمنیستان ینگ داشاری ایشلر وزیری رشید مردوف و آذربایجان ینگ داشاری ایشلر وزیری جیحون بایراموف دا قاتناشدی و اۆچ اۆلکأنینگ قاتناشیقلاری نینگ اؤسدۆریلمهگی بارادا سؤز سؤزلهدی.
تۆرکیأنینگ داشاری ایشلر وزیری مولود چاووش اوُغلی تۆرکمنیستانلی ایشدشی رشید مردوف بیلن ده اؤزآرا دوشوشیق گچیردی.
اۆچ یوردونگ داشاری ایشلر وزیرلری نینگ دوشوشیغینا تۆرکیه- تۆرکمنیستان و آذربایجان ینگ قاتناو و انرژی وزیرلری ده قاتناشدی.
دِگیشلی حابارلار
قفقاز قارتالی تۆرگِنلهشیگی دوُوام ادیأر
آذربایجان داقی بو تۆرگِنله شیگه تۆرکیه و گۆرجیستان دا قاتناشیار