اؤزبگیستان یۆورۆک ترن آغینی گینگِه‌لدیأر

اؤزبگیستان خیوه و نۆکۆس شهرلرینی یۆورۆک ترن بیلن داشکنت شهرینه باغلاماق اۆچین ایش آلیپ باریار.

بو یۆورۆک ترن داشکنت بیلن اورگنچ آراسینداقی 14 ساغاتلیق یوُلاغچیلیغی 6 ساغادا آزالدار.

شیله لیک بیلن بخارا بیلن خیوه آراسیندا 8 ساغات بوُلان ترن یوُلاغچیلیغی دا 3 ساغادا دۆشۆرلر.

داشکنت دن باشلاجاق یۆورۆک ترن یولی قاراقالپاغیستان ینگ پایتاغتی نۆکۆسه چنلی دوُوام ادر.

2018-نجی ییلدا بخارا- میسکین یۆورۆک دمیریوُلی قورالیپ خیوه نینگ اوزاقلیغی 242 کیلومتره یتیریلیپدی.

قارشی- کیتاب، پاپ- نمنگان- اندیجان و قارشی- ترمذ دمیریوُللاری دا الکتریکلی دمیریوُلا اؤورۆلدی.

بخارا- خیوه یۆورۆک ترن دمیریوُلی دا 2024-نجی ییبلدا اؤز ایشینه باشلار.

شیله لیک بیلن بخارا- اورگنچ- خیوه دمیریوُلی دا الکتریک توُغی بیلن اۆپجۆن ادیلر.

445 میلیون دلارلیق پروژه نینگ 270 میلیون دلاری آسیانینگ قالقینیش بانکی و آسیانینگ اساسی قورلوشیقلاردا مایاقوُیوم بانکی تاراپیندان بریلیأر و بخارا- خیوه آراسینداقی 465 کیلومترلیک دمیریوُل الکتریک بیلن اۆپجۆن ادیلر.

شیله لیک بیلن قطارلارینگ تیزلیگی ساغاتدا 250 کیلومتره چنلی یوُقارلار.

داشکنت بیلن نۆکۆس آراسینداقی 16 ساغاتلیق دمیریوُل یوُلاغچیلیغی دا 7 ساغادا دۆشۆرلر.

بو پروژه بیلن دمیریوُلدا ییللیق یوُلاغچی سانی دا 2 میلیون 300 مۆنگ آداما یتر.