تۆرکیه بیلن تۆرکمنیستان ینگ ایقدیصادی آراقاتناشیغی ۴۱ گؤتریم یوُقارلادی

تۆرکمنیستان ینگ داشاری ایشلر وزیری رشید مردوف آنکارادا ساپاردا بوُلیار.

تۆرکمن وزیر، تۆرک ایشدشی چاووش اوُغلی بیلن دوشوشیق گچیردی.

دوشوشیقدان سوُنگرا مطبوغات گِنگِه‌شی گچیرن چاووش اوُغلی تۆرکمنیستان بیلن تۆرکیأنینگ آراقاتناشیغی نینگ یوُقارلایاندیغینی آیتدی.

چاووش اوُغلی 2021-نجی ییلدا 2020-نجی ییلا گؤرأ تۆرکیه بیلن تۆرکمنیستان ینگ ایقدیصادی آراقاتناشیغی نینگ 41 گؤتریم یوُقارلاپ 2 میلیارد دلاردان گچندیگینی آیتدی.

تۆرکیه بیلن تۆرکمنیستان ایقدیصادی قاتناشیقلارینی 5 میلیارد دلارا یتیرمه ک ایسله یأر.

تۆرک شرکتلری تۆرکمنیستان دا 500 میلیون دلارا قوُلای دا مایا قوُیدی.

تۆرکیأنینگ داشاری ایشلر وزیری شو واغتا چنلی تۆرکیأنینگ شرکتلری نینگ تۆرکمنیستان دا 50 میلیارد دلاردان کؤپ پروژه آلیپ باراندیقلارینی آیتدی.

تۆرکیأنینگ، تۆرکمنیستان ینگ ایلچیحاناسی بوُلمایان یورتلاردا تۆرکمن یورتداشلارینا کنسوللیق حیذماتینی بریپ بیلجکدیگینی آیدان چاووش اوُغلی آذربایجان، تۆرکمنیستان و تۆرکیأنینگ بیله لیکده انرژی پوداغیندا آراقاتناشیغینی اؤسدۆرجکدیگینی بیلدیردی.