آهیسکا تۆرکلری نینگ سۆرۆلمه‌گیندن 78 ییل گچدی
آهیسکا تۆرکلرینه استالین دؤورۆنده ادیلم ظلملار اونوتیلمایار
تۆرکیه، آهیسکا تۆرکلری نینگ دوُغدوق دیاریندان سۆرگۆن ادیلمه گی نینگ 78-نجی ییلیندا آرادان چیقانلاری یاتلادی.
1944-نجی ییلینگ 14-نجی نوُیابریندا 100 مۆنگ آهیسکالی تۆرک گۆرجیستان ینگ آهیسکا دییلن یورتلاریندان شوروی نینگ اوزاق یرلرینه ایبریلدی.
سۆرگۆن ادیلنلرینگ آراسیندا کؤپ سانلی چاغا و زنانا باردی.
کؤپ سانلی آهیسکا تۆرک-ی شوُل سۆرگۆنده آرادان چیقدی.
تۆرکیأنینگ داشاری ایشلر وزیرلیگی آهیسکا تۆرکلری نینگ یاشان شوُل آغیر یاغدایینی یاتدان چیقارمادی.
وزیرلیک "تۆرکیه، شو گۆنکی گۆنده دۆنیأنینگ دۆرلی کۆنجه‌گینده یایران و سانلاری 500 مۆنگه یتن آهیسکا تۆرکلری نینگ یاغدایینی و اؤز اۆلکه‌لرینه قایدیپ گلمه گینی یاقیندان ایزارلایار و اوُلارا هر حیلی قوُلداوی بریأر. بو قینانچ سۆرگۆنینگ 78-نجی ییللیغیندا آهیسکالی تۆرک دوُغانلاریمیزینگ قینچیلیقلاری اۆچین دویغوداشلیق بیلدیریأریس و سۆرگۆنده آرادان چیقانلارا آلله دان رحمت ایسله یأریس" دییلدی.
آهیسکا تۆرکلری شوروی دؤورۆنده استالین تاراپیندان شو گۆنکی گۆرجیستان داقی آهیسکا بؤلگهیندن اوُرتاآسیاداقی قیرغیزیستان، قازاغیستان و اؤزبگیستانا سۆرۆلیپدی.
زوُر بیلن و حابارسیز یاغدایدا قطارلارا دوُلدوریلان 90-117 مۆنگ آهیسکا تۆرکی نینگ کؤپ سانلیسی یوُلدا آچلیق و دۆرلی کِسِل سبأپلی آرادان چیقیپدی.
آهیسکانینگ تۆرکلری 12 ییل بوُیونچا اوُرتاآسیادا برک حوُوپسوزلیق چأره‌لرینه سزه ور بوُلوپدی.
شوروی نینگ آرشیوینا گؤرأ آهیسکالی تۆرکلرینگ سۆرگۆن ادیلمه گی استالین ینگ تۆرکلری قارادنگیزینگ دنگیزیاقاسیندان قوُوماق پروژه سی نینگ بیر پارچاسی.
سانلاری 500 مۆنگدن کؤپ بوُلان آهیسکا تۆرکلری 2004-نجی ییلدا آمریکا تاراپیندان بوُسغون ایغلان ادیلیپ قابول ادیلمأگه باشلاندی.
آمریکادا 20 مۆنگدن کؤپ آهیسکا تۆرک-ی یاشایار.
دِگیشلی حابارلار
تۆرکمنیستان ینگ یوُلباشچیلاری رئیسی نینگ آرادان چیقماغینا قینانچ بیلدیردی
سردار و قوربان قولی بردی محمدوف ایران‌ینگ یوُلباشچیسی و حالقینا دویغوداشلیق بیلدیردی
کریمه نینگ تاتارلارینا ادیلن ظلملار یاتلاندی
تۆرکیه کریمه تاتارلاری نینگ و قفقازداقی دوُغانلیق حالقلاری نینگ غام غوصصاسینا دویغوداشلیق بیلدیردی
