ایلتِریش قاغان ینگ کؤشگی تاپیلدی

حالقارا تۆرک آکادمیسی بیلن مغول عیلیملار آکادمیسی نینگ بیله لیکده ادن قازوو- آغتاریش ایشلرینده مغولیستان ینگ اؤتۆکن دییلن یرینده گؤک تۆرک دؤولتی نینگ یوُلباشچیلاریندان بوُلان بیلگه قاغان و کۆل تگین ینگ قاقاسی ایلتریش قاغان ینگ کؤشگی و یازیلان داشی تاپیلدی.

تۆرک آکادمیسی نینگ باشلیغی دارخان قیدرالی مغولیستان ینگ پایتاغتی اولان باتوردا گچیرن مطبوغات کنفرانسیندا قازوو آغتاریش ایشینه 2019-نجی ییلدان باشلاندیقلارینی آیتدی.

قیدرالی بو کؤشگۆنگ گۆن باتاردان گۆن دوُغارا دوُغری سالیناندیغینی و 49 اینه دؤردۆل متره ایه دیگینی آیتدی.

کؤشکده 51 بالبال هیکلی نینگ ده تاپیلاندیغینی آیدان عالیم، شولار بیلن بیله لیکده 12 سطرلیک یازووی بوُلان بیر داشینگ دا تاپیلاندیغینی آیتدی.

بو داشدا تانگری، تۆرک، قوتلوق و تۆمن یالی سؤزلرینگ یازیلاندیغی بیلدیریلدی.

ایلتریش قاغان ایکینجی گؤک تۆرک دؤولتی قوران تۆرک باش‌توتان.

میلادی 691-نجی ییلدا آرادان چیقان ایلتریش قاغان 682-691-نجی ییللارینگ آراسیندا تۆرک ایللرینه یوُلباشچیلیق اتدی.