تۆرکیه، قازاغیستان و آذربایجان ینگ داشاری ایشلر و قاتناو وزیرلری ماصلاحات گچیردی
اۆچ یوردونگ قاتناو و داشاری ایشلر وزیرلری آذربایجان دا دوشوشیق گچیردی
تۆرکیه، آذربایجان و قازاغیستان ینگ داشاری ایشلر وزیرلری آذربایجان ینگ پایتاغتی باکودا دوشوشیق گچیردی.
دوشوشیغا تۆرکیه- آذربایجان- قازاغیستان ینگ قاتناو وزیرلری ده قاتناشدی.
تۆرکیأنینگ داشاری ایشلر وزیری اۆچ تاراپلی ماصلاحاتینگ ایلکینجی گِزه‌ک گچیریلیأندیگینی آیتدی و دوشوشیقلاردا قاتناو و ترانزیت بیلن بیله لیکده بؤلگه آرا مسئله لر حاقیندا دا گِنگِه‌شیلندیگینی نیغتادی.
چاووش اوُغلی "باکو- تفلیس- قارص دمیریوُلی، باکو- تفلیس- جیحان نبیت تورباسی و تاناپ یالی پروژه لر بؤلگأمیزی اۆیتگه‌شیک یاغدایا گتیردی" دیدی.
تۆرک وزیر آذربایجان بیلن ارمنیستان ینگ آراسینداقی گپله شیگه ده قوُلداو بریأندیکلرینی یاتلاتدی و
"آذربایجان ینگ گۆن باتار بؤلگه لری بیلن نخجوان –ی بیری بیرینه باغلاجاق زنگه زور کریدورینی گۆیچلی یاغدایدا قوُلدایاریس و کریدورینگ اینگ چالت واغتدا آچیلماغینا قاراشیاریس" دیدی.
مولود چاووش اوُغلی روسیا- اوکراینا آراسینداقی ساواش سبأپلی غاللا گأمیلری نینگ چیقاریلیپ بیلینمأندیگی باراسیندا دا "دورنوقلی و حوُوپسوز قاتناو حاطلاری نینگ نأدرجه أهمیتلی بوُلاندیغینی بو دارتغینلیقدا ینه بیر گِزه ک گؤردۆک" دیدی.
