اوکراینادان چیقان آهیسکا تۆرکلری تۆرکیأ گلدی

روسیانینگ اوکراینا باشلادان هۆجۆمیندن سوُنگرا شوُل یورتدا یاشایان آهیسکا تۆرکلری تۆرکیأنینگ داشاری ایشلر وزیرلیگی نینگ تاغاللالاری بیلن ارضروم ینگ اۆزۆملی شهرینه گتیریلدی.

آهیسکا تۆرکلری نینگ 5 گۆن یوُلاغچیلیقدان سوُنگرا تۆرکیأ گلندیکلری بیلدیریلدی.

اۆزۆملی شهرینده یاشایان آهیسکا تۆرکلری دۆرلی سبأپلر بیلن اوکراینادا یاشاماغا باشلاپدی.

تۆرکیه شو واغتا چنلی مۆنگلرچه یورتداشینی اوکراینادان چیقاردی.

اوکراینانینگ کریمه یاریم آداسینداقی تاتار تۆرکلری نینگ بیر بؤله‌گی ده تۆرکیأ گتیریلیپدی.

قفقاز و اوکراینادا یاشایان آهیسکا تۆرکلری 1944-نجی ییلدا استالین تاراپیندان اوُرتا آسیا و تۆرکیأ سۆرلیپدی. شوُلاردان بیر بؤله‌گی گۆرجیستانا قایدیپدی.