آذربایجان بیلن ایران ینگ قوُرانماق وزیرلری دوشوشدی

ایران ینگ قوُرانماق وزیری محمدرضا آشتیانی تهرانا ساپار قوران آذربایجان ینگ قوُرانماق وزیری ذاکر حسنوف بیلن دوشوشدی.

حسنوف بو دوشوشیقدا "ایرانلی یوُلباشچیلاری نینگ آذربایجان ینگ توُپراق بیتِولیگینه برن قوُلداوی سبأپلی اوُلارا ساغ بوُلسون آیدیارین" دیدی.

آذربایجانلی وزیر، ایرانلی ایشدشینی ده آذربایجان ینگ پایتاغتی باکوآ چاغیردی.

ایران ینگ قوُرانماق وزیری آشتیانی دا ایران بیلن آذربایجان ینگ تاریحی و مدنی اوغورلارداقی اوُرتاقلیقلارینا اۆنس چکدی و ایکی یوردونگ قاتناشیقلاری نینگ موندان دا اؤسدۆریلمه گی نینگ حؤکمأنی بوُلاندیغینی آیتدی.

ایرانلی وزیر ایکی یوردونگ آراسینداقی قوُرانماق و حوُوپسوزلیق پوداقلاریندا حیذماتداشلیغی نینگ یوُقارلادیلماغی نینگ أهمیتینه اۆنس چکدی.

آذربایجان ینگ قوُرانماق وزیری ایران ینگ یاراغلی گۆیچلری نینگ باشلیغی محمد باقری بیلن ده دوشوشدی.

باقری بو دوشوشیقدا ایران بیلن آذربایجان ینگ تاریحی، دینی، مذهبی و دیل تایدان اؤرأن یاقین بوُلاندیقلارینی آیتدی و آذربایجانلی وزیرینگ بو ساپاری نینگ ایران بیلن قاتناشیقلارینگ اؤسدۆریلمه گی اۆچین بیر پورصات بوُلماغینی اومیت اتدی.