ساپاربک اوُغلی: قازاغیستان داقی واقالار یوردا اۆچ میلیارد دلار ضِلِل بردی
قازاق ایلچی: قازاغیستان ینگ حؤکۆمتی یورتداشلاری نینگ ایسله‌گلرینه چالت یاغدایدا جوُغاپ بردی
قازاغیستان ینگ آنکاراداقی ایلچیسی آبزال ساپاربک اوغلی کؤپچۆلیکله‌یین حوُوپسوزلیق شرطناماسی قوراماسی نینگ پاراحاتچیلیق گۆیجۆنینگ یوردوندا ترورچیلیغا قارشی هیچ حیلی حرکته قاتناشماندیغینی و قاتناشماجاقدیغینی بیلدیردی.
ساپاربک اوغلی پایتاغت آنکارادا، قازاغیستان داقی سوُنگقی یاغدایلار باراسیندا مطبوغات گنگه شینی گچیردی.
ساپاربک اوُغلی یوردونداقی پروُتست حرکتلری نینگ باشلانغیجینا اۆنس چکیپ، قازاغیستان حؤکۆمتی نینگ یورتداشلاری نینگ ایسله‌گلرینه شوُل بیر واغتدا جوُغاپ بریپ، ال پی جی نینگ باهاسینی آشاق قاچیرماق اۆچین چأره گؤرِندیگینی و روغصاتسیز یؤریشلرده توسساغ ادیلنلری سالاندیغینی آیتدی.
ساپاربک اوُغلی بیرنأچه اولی شهرده پروتست حرکتلری نینگ ترورچی و آشاچیلار تاراپیندان دارتغینلیق اۆچین اولانیلاندیغینی سؤزلرینه قوُشدی و "پاراحاتچیلیق گۆیچلری نینگ وظیپه سی، استراتژیک یرلر بیلن قازاغیستان ینگ قانون و دۆزگۆنلرینی قوُراماقدیر. پاراحاتچیلیق گۆیچلری ترورچیلیغا قارشی هیچ حیلی حرکته قاتناشماندی و قاتناشماجاقدیر" دیدی.
قازاق ایلچی "شو واغتا چنلی بریلن ماغلوماتا گؤرأ 16 عسگریمیز شهیت بوُلدی. ترورچیلیقلی هۆجۆم بوُلاندیغی نینگ ثبوتی بوُلسا ایکی قوللوقچیمیزینگ باشی نینگ کسیلمه‌گی و شیله قیناندیریجی یاغدایدا اؤلدۆریلمه گیدیر. 1300 قوللوقچی یارالاندی. ساغلیغی قوُراییش وزیرلیگیمیزینگ برن ماغلوماتینا گؤرأ 4 ایالتده 164 آدام آرادان چیقدی. آرادان چیقانلارینگ سانی باراسیندا بارلاغلار دوُوام ادیأر. دۆینه چنلی 8 مۆنگ آدام توسساغ ادیلدی. دِرنگو ایشلرینه دوُوام ادیلیأر" دیدی.
قازاغیستان ینگ تۆرکیه دأکی ایلچیسی بو واقالارینگ یوردونا 3 میلیارد دلارا قوُلای ضِلِل برندیگینی سؤزلرینه قوُشدی.
