چاووش اوُغلی گۆن باتار تراکیا تۆرکلری نینگ یوُلباشچیسی نینگ ماشغالاسی بیلن دوشوشدی
مولود چاووش اوُغلی دکتر صادق احمدینگ دوُغلان گۆنی میناسیبتی بیلن اوُنونگ ماشغالاسینی قابول اتدی
تۆرکیأنینگ داشاری ایشلر وزیری مولود چاووش اوُغلی گۆن باتار تراکیا تۆرکلری نینگ یوُلباشچیسی مرحوم دکتر صادق احمدینگ ماشغالاسینی قابول اتدی
مولود چاووش اوُغلی دکتر صادق احمدینگ دوُغلان گۆنی میناسیبتی بیلن اوُنونگ عایالی ایشیق احمد، چاغالاری لونت و فوتدا و آغتیقلارینی قابول اتدی.
صادق احمدینگ ماشغالاسی بیلن پایتاغت آنکاراداقی داشاری ایشلر وزیرلیگینده دوشوشان چاووش اوُغلی یأدیگأرلیک صورات دا چکدیردی.
1947-نجی ییلدا گۆمۆلجینه شهرینده دوُغلان دکتر صادق احمد گۆن باتار تراکیانینگ تۆرکلرینه یونان دؤولتی تاراپیندان قورالیان باسیشلارا بوُیون اگمه دی و یونان دؤولتی نینگ تۆرکلره قارشی آلیپ باریان سیاساتینی تانقیت ادیأردی.
کؤپ گِزه ک یونان تاراپیندان توسساغ ادیلیپ زندانا ایبریلن دکتر احمد ایکی گِزه ک ده یونان ینگ پارلمانینا قاراشسیز وکیل حؤکمۆنده گیرمه گی باشاریپدی.
دکتر صادق احمد 1991-نجی ییلدا یونان ینگ تۆرکلری نینگ "دوُستلیق، دنگ حقوق و پاراحاتچیلیق" آدیندا حزبینی ده قوروپدی.
دکتر احمد 1995-نجی ییلینگ 24-نجی ایولیندا یونان ینگ گۆمۆلجینه شهرینده ماشین پاجیغاسیندا آرادان چیقیپدی.
