رئیسی: ۵ ییل آرادان سوُنگرا تۆرکمنیستان بیلن یانگاداندان قاتناشیق باشلاتدیق

ایران ینگ جمهورباشلیغی سید ابراهیم رئیسی دؤولت تلویزیونیندا بیانات بردی.

کروناویروس یوُقانچ کسلینه قارشی اولی ایشلر آلیپ باراندیقلارینی آیدان رئیسی، 100 گۆنلۆک وظیپه سینده ایرانا 100 میلیون دُز واکسن گتیرلندیگینی آیتدی.

ابراهیم رئیسی تۆرکمنیستانا قوران ساپاری باراسیندا دا ماغلومات بردی.

رئیسی "تۆرکمنیستان بیلن بیزینگ 5 ییلدان بأری چؤزگۆتسیز مسئله لریمیز باردی. بیز یانگاداندان تۆرکمنیستان بیلن آراقاتناشیغیمیزی باشلاتدیق، ترانزیت مسئله سینی چؤزگۆده قوُوشوردیق و تۆرکمنیستان- ایران و آذربایجان آراسیندا گاز سوآپ مسئله سی حاقیندا دا ایلالاشدیق"دیدی.

ایران ینگ جمهورباشلیغی، تۆرکمنیستان بیلن قاتناشیقلارینگ یاغشی نیته اساسلاندیاندیغینی دا سؤزلرینه قوُشدی.

تۆرکمنیستان بیلن ایران ینگ قاتناشیقلاری گچن ییللاردا طبیغی گاز مسئله سی سبأپلی توُلقونلی گچیپدی.

ایران ینگ تأزه جمهورباشلیغی سید ابراهیم رئیسی نینگ سایلانماغیندان سوُنگرا ایکی یوردونگ آراقاتناشیغی یوُقارلاماغا باشلادی.