تۆرک اۆلکه‌لری نینگ یوُلباشچیلاری ایستامبول‌دا ماصلاحات گچیردی

تۆرک یورتلاری نینگ قوراماسینا آغضا بوُلان یورتلارینگ یوُلباشچیلاری نینگ ماصلاحاتی ایستامبول ینگ دموکراسی و ارکینلیک آداسیندا گچیریلدی.

ماصلاحاتینگ آچیلیش داباراسیندا چیقیش ادن تۆرکیأنینگ جمهورباشلیغی،

"تۆرکیه حؤکمۆنده، بیله لیکده ایش آلیپ بارماق اۆچین تۆرک دؤولتلری قوراماسی نینگ سیویل (غیرنظامی) قوُراغ مکانیزمی نینگ قورالماغینی تِکلیپ ادیأریس" دیدی.

أردوُغان ترورچیلیق بیلن ساواش مسئله سینه اۆنس چکدی و "پ. ک. ک- ی. پ. گ، داعش و فتؤ یلی شر مرکزلری باشدا بولماق بیلن، ترورچیلیغینگ هر حیلینه قارشی گؤره شیمیزده توتان یرلیدیرس. بو مسئله ده حیذماتداشلیغیمیزی یوُقارلاتمالیدیرس" دیدی.

تۆرکیأنینگ جمهورباشلیغی، دمیرقازیق قبرس تۆرک جمهوریتی نینگ ده تۆرک دۆنیأسی نینگ بیر بؤله گی بوُلاندیغینی یاتلاتدی و "تۆرک دۆنیأسی نینگ آیریلماز بیر پارچاسی بوُلان قبرس تۆرکلرینه ادیلن قاباو و چأکلندیرمه لری ینگیللِتمه ک اۆچین سیزینگ قوُلداوینگیزا ایناینارین. اسلاما و داشاری یورتلیلارا دوشمانچیلیق یالی عاصریمیزینگ کِسِلی بوُلان مسئله لر بیلن گؤره شده بیله لیکده حرکت اتمه لیدیرس. ماشغالامیز اۆچین دمیرقازیق قبرس تۆرک جمهوریتینی آرامیزدا گؤرمه گی اؤرأن آرزوولایارین" دیدی.

تۆرکیأنینگ جمهورباشلیغی، دؤرت ییلدان بأری تۆرکیه ده گچیریلیأن تکنوفست ینگ ایندیکی ییلدا آذربایجان دا گچیریلجکدیگینی آیتدی.

تۆرکیأنینگ جمهورباشلیغی، تۆرکمنیستان ینگ جمهورباشلیغی قوربان قولی بردی محمدووا دا مینتدارلیق بیلدیردی و تۆرکمنیستانا بو قوراما حوُش گلدینگ دیدی.